Nongpoh, Risaw 23: Ha ka sngi pynhap pyrda iaka lympung ialehkai photbol jong ka Mawleiñ Sports Club, Ka MDC jong ka Umsning Constituency kong Magdalyne S Mawlong ka la leit ban plie paidbah ïa ka VIP Galary jong ka Mawleiñ Sports Club kaba la tei lyngba ka 15th Finance (Untied) 2020-21 ha ka jinglut kaba 2 lakh tyngka.
Ha katei ka sngi ka kong Macdalyne ka la long ruh kum ka kongsan ban pynhap pyrda ïa ka lympung ialehkai phutbol kaba la tip kum ka 6th inter shnong football tournament, kala ai jingïarap da ka song pisa kaba 50 hajar tyngka sha ki nongpynïaid ban kyrshan ïa ka club ha kaban pyntyllun Ia ki kam ialehkai.
La sakhi lang ha kane ka sngi da u Bah Manchester Rani Chairman Dorbar Town, Bah Nick Rapsang, Bah Arkini Sumer, u Bah Jeswel Mawlong President Mawleiñ Sports Club bad kiwei kiwei ki riew rangbah.
Haba phai sha ka jingialehkai phainal ka kynhun jong ka Byrwa ka la ia khun pyrshah bad ka Umbir, ha kaba ka Umbir ka la lah ban pynliem ia ka Byrwa lyngba ka jingïashut Tie-breaker bad ha katei ka sngi la ioh ruh ban sam da ki khusnam ha ryngkat ka song pisa sha ki nongjop.
