Paw ka kyrteng u Bah Lurshai kum u kyrtong MDC
Nongstoiñ, Nailar 4: Ki nongïalam na ka seng HDPDP, INC bad TMC na Rambrai-Jyrngam Constituency, ki la iehnoh noh ïa la ka jong ka Party bad leit ai jingkyrshan noh ia seng shimet ba ialam da u R. G Momin kum u MLA shimet jong ka thaiñ.
Kitei ki nongïalam ki kynthup ïa u General Secretary ka HSPDP Rambrai u Cherubim Thongni, ka General Secretary jong ja Mahila Congress ka kong Elginïa Marshïangbai, u Bah George Syiem, General Secretary ka TMC Rambrai bad kiwei kiwei ki riew rangbah kiba dei ki dkhot bad nongïalam na kitei ki party.
Ki nongïalam ka seng shimet na Rambrai ki ïathuh, ba ka dawbah ba la pynlong ïa kitei ki nongïalam jong kitei ki lai tylli ki party ban wan pynïasoh noh, ka dei namar ba kiwei ki party ki la nang hiar arsut bad kim I don jingkyrmen ba kin dang lah ban khie khlieh biang, na ka bynta ban ai ka jingshakri ïa ki paidbah ka dong ka thaiñ.
Khnang ban myntoi ki paidbah jong ka Constituency, ki la rai ban leit ïatreilang noh bad u Bah R. G Momin bad kumjuh bad u Bah Lurshai Kharbani u ban sa long u kyrtong MDC Independent napoh Rambrai-Jyrngam Constituency.
