Imphal, Naitung 28: Ka Ministry of Home Affairs (MHA) ha ka sngi Palei, kala pyntip ia ka Iingkashari Supreme Court ba kan hap pynkynriah ia ka jingtohkit jong ka case ba shah pyniaid lyngkhuit ki kynthei ha Manipur sha ka CBI da kaba ong ba ka Sorkar hi kam ailad ia kano kano ka kam thombor pyrshah ia ki Kynthei.
Ha ka affidavit bala file lyngba u Secretary Ajay Kumar Bhalla, ka Ministry of Home Affairs kala kyrpad ruh ia kane ka Iingkashari ba hakhliehduh ka Ri ban rah noh ia ka jingbishar shabar ka Jylla Manipur halor ka case jong ki 7 ngut ki briew kiba la shah kem haduh mynta.
“Kane ka dei kawei ka daw balei ba ka Sorkar Pdeng da ka jingmynjur ka Sorkar Jylla, kala shim ia ka rai ban phah ia ka jingtohkit sha ka kynhun ba laitluid kata ka CBI” kala ong ha ka affidavit.
Ka Sorkar Pdeng kala kular ruh ba ia ka jingtohkit yn sa pyndep noh kham kloi kat kaba lah bad ka jingbishar kan long ha ka jingbuh por ka iingkashari.
Ha ka 20 tarik Naitung, ka Iingkashari Supreme Court kala shim khia halor ka jingshah pyniaid lyngkhuit bad shah leh beijot ki Kynthei ha Manipur bad pynpaw ba kum kane ka jingjia ka dei ka bym lah satia ban pdiang ha kane ka Ri Synshar paidbah.
Ka Iingkashari bala khlieh da u Chief Justice DY Chandrachued kala bthah ia ka Sorkar Pdeng bad Sorkar Manipur ba kin shim wut wut ia ki lynti ban pynbeit, ai jingiada bad ki sienjam ban iada bad ban pyntip ruh sha ka Iingkashari ia ka sienjam bala shim.
Pule ruh: Manipur : Jah 2 ngut ki Nongthoh khubor napdeng ki 27 ngut ba jahrngai
 ha ka sngi Palei, kala pyntip ia ka Iingkashari Supreme Court ba kan hap pynkynriah ia ka jingtohkit jong ka case ba shah pyniaid lyngkhuit ki kynthei ha Manipur sha ka CBI da kaba ong ba ka Sorkar hi kam ailad ia kano kano ka kam thombor pyrshah ia ki Kynthei.){kind=link}