Shillong, Nailar 31: Ka Iingkashari Chief Judicial Magistrate ka Tura, West Garo Hills, kala phah biang ia u Nongialam bad MDC ka BJP na Tura Bernard N Marak sha ka Police Custody ba 5 sngi ban tohkit.
Une u MDC ka BJP ula shah pynngat sa ha ka case ba iadei bad ka jinglum pisa jur jong ka seng Meghalaya Chamber of Commerce (MCC) ia kaba la kynnoh bala thaw da u,na ki nongkhaii ha Tura, kaba lam sha ka jingkiew dor jong ki mar bam mardih bad kiwei kiwei ki mar ki mata.
Ia kane ka kam jong ka MCC la ioh ban kyndang da ka jingtohkit jong ki Pulit hadien ka jingioh pdiang ia ka jingujor halor ka jingkiew dor jong ki mar ki mata ha Iew Tura.
Ki Pulit kila lap ba ka MCC kala pynbor ia ki Nongkhaii ba kin pynkiew dor ia ki mar ki mata bad ban ai Commission pat sha ka na kane ka jingpynkiew dor.
