Shillong, Nailur 19 : Ki Pulit ka Mawlai Police Station, hynne ka sngi Palei, kila lap ia ka metiap jong ka Longkmie bad I Khynnah Kynthei, kaba la per ha sla um jong ka wah Umshing kaba don ha ka thain Mawiong Macdonald Road.
Kine ki arngut ki dei kiba la jah rngai naduh ka 18 tarik Nailur bad ki dei kiba la tip kyrteng da I kong Niancy Riahtam bad I Erika Thabah ba dang 5 snem. Kine ki dei kiba shong basah ha Dong Tariang A, Mawiong Umjapung.
Kat kum ka jingithuh ki Pulit, la iohi khatduh ia kine ki arngut ha ka por 2 baje janmiet jong ka 18 tarik ha Mawiongrim ISBT.
Hynrei hynne ka sngi, kila don ki briew kiba iohi ia ka metiap jong kine ki arngut kaba la per ha sla um hajan ka jingkieng kaba pyniasoh ia ka Mawiong sha NEHU. Ia kane ka metiap la lap ha ka por 1 baje nohphaisngi.
Ki Pulit kila hiar sha kane ka jaka bad kila shimti ia kine ki met ban pynlong ia ka jingtohkit.
