Agartala, Naitung 7:Kawei ka longkmie na Tripura 53 snem rta, ka Shila Rani Das ka la pyndep ia ka Board exam ka ba nyngkong jong ka mynta ka snem. Arngut ki khun kynthei jong ka ruh, ka Rajasree Das bad ka Jayasree Das ki la pass ha ka Higher Secondary exam.
Kane ka jingjop jong kine ki laingut ka la wan long hadien ba la pynbna ia ka result jong ka Tripura Board Madhyamik bad Higher secondary exam ha kane ka sngi Balang ba la lah.
Ha ba kren sha ki lad pathai khubor, ka Das ka la ong, “Nga sngewkmen shibun. Baroh ki arngut ki khun kynthei jong nga ki la pass bad ma nga ruh nga la la pass ha baroh ki sobjek. Ka jingkmen ka long ka ba palat liam namar i mei ba la tymmen jong nga ruh i lah ban sakhi ia nga halor kaei ka ba i la angnud ban iohi mynta la bun bun snem”.
Ka khun jong ka, ka Jayasree ka la ong ba ka kmie jong ka la kwah eh ban iakhun ia ka eksamin hynrei kam don ia kata ka jingsngew skhem ha ka ba nyngkong. “Ngi la pynkohnguh ia i ba in iakhun ia ka exam bad i la pyndep ha ka jingpyrshang ka ba nyngkong eh,” ka la ong shuh shuh.
Katkum ka result sheet jong ki, ka Shila Das ka la ioh 221 bad ki arngut ki khun jong ka ki la ioh 250 bad 328 ki marks.
