Pan map u Bah Sanbor halor ka jingwohdong pyrshah ia u Lamphang ka Iingdorbar

Date:

Share post:

Dawa pynshitom ia u Bah A.L.Hek ba shim kabu Politics na kane ka jingjia

Shillong, Naitung 08: U Nongialam ka BJP bad Myntri Sorkar Bah Sanbor Shullai hynne ka sngi thohdieng, ula pan map halor ka jingjia ba dang shen hapoh ka jingialang ba la pynlong ban pan jingkyrshan ia ka Draupadi Murmu, kyrtong iakhun elekshon President, ia kaba u ong “kam dei kaba leh khnang” hynrei kaba la pynwan bakla.

U Bah Sanbor ula dawa ruh ban pynshitom ia la u jong u MLA ka BJP Bah A.L Hek halor ka jingkynnoh ba u pyrshang ban shim kabu ban ioh jingmyntoi na kane ka jingjia ha ka kam sain pyrthei.

“Nga la iakren bad u Myntri Rangbah lem bad u Lamphang halor kane ka jingjia hadien ba nga wan phai na Kolkata bad ngan panmap lada kane ka jingkren jong nga kala ktah ne pynmong iano iano ha ka jingialang” ong une u Myntri Sorkar ha ka kyrwoh khubor.

U bah Sanbor ula kynnoh ba la shu pynheh khlem daw ia kane ka jingjia bad kala wan kum ka jingkyndit ia u haba u para MLA jong ka BJP ula pyrshang ban shim kabu ban ioh jingmyntoi ialade na kane ka jingjia hab bynrap ba kane ka jingjia ka dei kaba jia hapoh ki saw kynroh hynrei kumno ba kala mih sha u paidbah.

“Halor ka jingialang ha Orchid Lake Resort, Umiam ha ka 6 tarik Naitung 2022, nga kwah ban pynshai da kaba ong ba kaei kaba jia ka dei kaba khlem leh khnang bad ka dei kaba la pynwan bakla ia ka” ula bynrap.

Ha kawei pat ka liang, u Bah Shullai ula ong ba haba iadei bad ki kam thombor pyrshah ia ki Khristan, bala kren da u Nongialam ka UDP Bah Metbah Lyngdoh, u sngew shimet ba ym dei ban pynbahkhlieh tang ha ka BJP khamtam ba kam dei sati aka rynsan kaba dei ban iakren ia kane ka mat.

“Ka kyrdon ka NDA ka wan shane ban pan ia ka jingkyrshan bad ka jingrah iakren ia kiwei ki mat ha kane ka jingialang ka dei kabym iahap satia bad ka bym donkam hi ruh. Kane ka dei ka jingsngew jong nga shimet. Jin ba kane ka mat ba rah iakren ka iadei bad ka Jylla, ka BJP Meghalaya bad ma nga ruh kumjuh, khlem pep ngin ia ieng lang kawei” ula ong.

U bah Sanbor ula bynrap “La ka dei ka jingjia ia u Father Stan Swamu lane kino kino ki ishu, nga dei uba ju kren bha bad nga la iakren ruh ia kine ki jingjia bad ki Nongialam na Delhi. Ngam don eiei ban buhrieh lane ban shynrain na kine ki jingjia kiba dei ki kam kiba da sngewkhia shisha”.

U bah Sanbor ula ong ba wat ha ka CAA, ula dei tang ma u u MLA na ka thain Shatei Lam Mihngi uba la ai jingmut ia ki Nongialam na Delhi ban pyllait ia ka Jylla Meghalaya namar ba ka hap hapoh ka Sixth Schedule.

Haba pynren ia ka jingkren u Bah A.L Hek, u bah Sanbor ula ong “Nga dawa ba u President ka Party na Jylla u dei ban pynshitom ia une u MLA ka Party namar ka paw ba u kyrshan ia ki jingkren kiba long pyrshah ia ka party BJP”.

“Ka BJP ka dei kaba iadonlang ha ka Sorkar MDA, kaba ju kyrshan ia ka jingsuk bad jingshong shngain jong baroh ki jaidbynriew bad kaba pynthikna ba baroh ki briew na ki Niam bapher bapher kin ia im suk ha Meghalaya. Lada u Bah Hek bad kiwei, ki kyrshan b aka BJP ka dei ka party ba pyrshah ia ki Khristan, balei ba u pyniasoh ialade sha ka BJP” ula buh jingkylli.

Haba pynpaw ba kam don satia ka jingthmu ban kput ne ban buh jingma bad ba u burom ia baroh ki paralok kiba iadonlang ha ka MDA, u Bah Sanbor ula kam ba ka jingiadei hapdeng jong u bad ka UDP ka long palat ia kaei kaba ki briew ki mutdur bad ka burom hi ka leit sha u (L) Dr Donkupar Roy uba ju long u lur lam lynti ha ka lynti iaid jong u ha ka kam sain pyrthei.

Ula ong ba ka jingiadei lei bad ka NPP ka kham jylliew shuh shuh bad u (L) Purno A Sangma, uba dei u nongaibuit aibor bad ka daw kaba pynlong ia u ban long ioh kheit ia u soh ka jingjop ha ka kam sain hima sima.

“Sa shisien nga pan map halor kaei kaba jia baroh bad nga ban jur ba ki jingkren jong nga ka long ban tip ia ka jingshisha ba ka BJP ka dei ka secular party bad ka bym kyrshan ne pynshlur ia ka jingiasngew pher niam la ka dei ki Khriatan ne kiwei kiwei” ula ong.

Share post:

spot_img

Popular

More like this
Related

Jur ka jinghap thah ha Sikkim, sahkut palat 500 ngut ki nongshang suwari

Gangtok, Rymphang 21: Namar ka jingjur ka jinghap thah,...

Dawa ki nongrep ia u DC ban kem naphang ia kiba thang lum ha WKH

Nongstoin, Rymphang 21 :Ka seng ki nongrep Hills Farmers...

Kurup ki BSF ia ki dawai Phensedyl bad ka shini ba khappud Bangladesh

Shillong, Rymphang 21: Ki shipai BSF ha ka sngi...

Plie u Dr Mansukh ia ka workshop ka koit ka khiah ki Jylla NE ha Shillong

Shillong, Rymphang 21: U Myntri ka Sorkar Pdeng ba...