Free Porn
xbporn
spot_img

Kular u CM ban sa shim rai halor ka mudui ka UDP pyrshah ia u Myntri Sorkar ka BJP

Date:

Share post:

Shillong, Naitung 08: U Myntri Rangbah ka Jylla Conrad Kongkal Sangma hynne ka sngi thohdieng, ula kular ba un sa shim ia ka rai halor ka jingkynnoh “bym khein snep ne niewkor” jong u Myntri Sorkar Bah Sanbor Shullai ia u Lamphang ka Iingdorbar Thaw Ain Bah Metbah Lyngdoh ha ka jingwan jong ka Draupadi Murmu, Kyrtong iakhun President ka Ri ba mihkhmat na ka National Democratic Alliance (NDA) sha Jylla.

Kane ka jingkular kala mih tang hadien shisngi ba ka United Democratic Party (UDP) kala dawa ia ka BJP bad ia u Nongialam ka Meghalaya Democratic Alliance (MDA) ban ai jingsneng pyrshah ia u Bah Sanbor Shullai.

U Conrad ula iathuh ha ki nongthoh khubor ba ula iakynduh ia u Lamphang ka Iingdorbar Thaw Ain, uba la iakren ruh halor ka rai bala shim da ka UDP.

“Nga la iathuh ha ki ba nga la shimkhia ia kane bad ngan sa pyniaid shakhmat ia ka kam bad ban ai jingsneng ynda la dei ka por. Nga la ai ka jingkular ba ngan sa khmih ia kane ka kam” ula ong.

Haba pynpaw ba ma u (Conrad) ruh u iadonlang ha ka por ba kane ka jia, u Myntri rangbah ula ong ba u Lamphang ula kren ia ki kam kiba ktah ia kiba bun ki briew ha ka imlang sahlang.

“Ka dei kaba iahap ban kren ia kine ki kam hakhmat ka kyrtong President namar kan sa bat hi ia kane ka kam khnang ba kan buh ha ka jingmut jingpyrkhat ia kine ki mat bad ban leh eiei. Ka dei kaba dei eh ia u Lamphang ka Iingdorbar ban kren ia kine ki jingsngewkhia jong u. Hynrei katba u dang pynpaw ia ka jingsngewkhia, kala don ka jingpynthut na uwei u MLA Bah Sanbor Shullai jong ka BJP” ula ong.

“Ha kum kane ka por lane ha kane ka jingialang ba kum kane kaba dei na ka bynta ban pan ia ka jingkyrshan ia ka kyrtong, ka long ka bym iahap ba kum u Myntri Sorkar un wohdong khamtam ba u dei na ka BJP… Ka dei ka jingleh ka bym iahap satia. Nga hap ban ong ba kam long kaba dei khamtam hakhmat ka kyrtong President. Kam itynnad ban leh ia kum katei ka kam” ula bynrap.

Haba kylli ia kum kaei ka jingsneng ba un ai pyrshah ia une u Myntri Sorkar, u Myntri Rangbah ula ong “Ngin sa khot ia ka jingialang jong ka Meghalaya Democratic Alliance (MDA) ban shim ia ka rai ba khatduh halor ka jingthep vote ka ban long ha ka 18 tarik Naitung hynrei nalor kane, ia kane ka kam u Bah Sanbor ngan sa shim rai ha ka por kaba dei”.

U Conrad ula ong ba dei ka BJP kaba khot sngewbha ia baroh ki MLA sha ka jingialang ban pan ia ka jingkyrshan ia kane ka kyrtong president ka NDA bad dei namar kata, ba ula leit sha ka jingialang kum u National President ka NPP.

Ula bynrap ba ki MLA ka UDP ruh kila shah khot sngewbha ha ka BJP bad baroh ki Party ki don ia ka hok ban pynsngew iala ka jong ka jingsngewkhia.

“Kam don jingeh satia lane kino kino ki jingwit ban pynsngew iala ki jong ki jingsngew namar ka dei ka Shuki ba hakhlieh duh jong ka Ri bad ka dei ia ngi kum ki Nongthep vote ha ka elekshon ban jied ia kiba shong ha kane ka shuki, ban ngin pynsngew ia kaei kaba ngi don jingsngew bad ka dei kane kaba u Lamphang kum u President ka UDP ula leh bad nga sngew ba ka jingleh u Bah Sanbor ka dei ka bym iahap satia” ula ong.

Haba pynpaw ba kane ka jingjia kala pyni ba kiei kiei baroh kim long kiba biang hapoh ka MDA, u Myntri Rangbah ula ong “Uwei u briew ula ieng ha ka por ba kren u Lamphang hynrei kumba nga ong, ka khyllipmat bad ka por bad ka jingdon jong ki briew kam iahap satia ban leh ia kaei kaba une u Myntri Sorkar u leh”.

Halor kawei pat ka jingkynnoh ba u bah Sanbor ula pynibor bad pyni ia ka jingbym khein snep ia u kum u Myntri Rangbah ha ka jingjia ba dang shen ha Ophis treikam jong u, u Myntri Rangbah ula ong ba ki don ki khep ba ki Myntri Sorkar kim sngew iahap bad ka rai ba nga shim.

“Hynrei kaei kaba ngi iakren para ma ngi ne bad kino kino ki briew la ki dei ki MLA ne ki Nongialam Party ne ki riew paidbah, kiei kiei baroh ki shong hapdeng jong ngi. Ngam sngew iahap ba ngan iathuh lait noh satang lada kala jia hakhmat ki paidbah kumba kala jia ha kato ka sngi ba wan ka kyrtong iakhun elekshon President” ula ong.

Share post:

spot_img
spot_img

Popular

More like this
Related

Meghalaya Youth League Zone-A | Tura U-14 boys dominate opening day

Tura, July 20: The First edition of the Meghalaya...

Rangsakona MLA in eye of storm over assault on watchman

Tura, July 20: Sitting MLA from Rangsakona, Subir R...

Bangladesh Evacuation: 284 students enter India via Dawki on Day 3; 4000 still stranded

Shillong, July 20: With curfew imposed and security situation...

Saphriang ka Video ba thap u MLA ia u Nongtrei ka MBoSE

Tura, Naitung 20: U MLA ka Rangsakona, u Subir...
spot_img