Nongpoh, 22 Nailur: Ka Hynniewtrep Youth Council (HYC) Ri-Bhoi District, kala leit pan jingshai na u Chairman ka District Selection Committee (DSC) bad Deputy Commissioner ka Ri-Bhoi, halor ka jingpynslem ban pynmih ia ka result jong ka eksamin thungkam ka DSC bala dep pynlong naduh u snem 2021-2022.
Ki Nongialam ka HYC bala lamkhmat da u General Secretary samla Shemphang Masharing, kila iakynduh markhmat ia u Deputy Commissioner bad aiti ruh ia ka dorkhas ba dawa ban pynmih noh ia kane ka result thungkam.
Une u Nongialam ka HYC u pyntip ba ha kane ka jingiakynduh, u Chairman ka DC ula pyntip baka daw ka jingslem ban pynbna ia ka result, ka dei namar ka jingmih jingthut halor ka Reservation Roster/Jon Reservation Policy.
Ula iathuh “U Chairman ula pynpaw ba un sa shimkhia noh kham kloi ban pynbna ia ka result watla um pat pat ban ai ia ka Tarik kaba thikna, khnang ba kan long ka jingmyntoi ia ki samla wadkam”.
“Ngi la shimkhia ia kane ka kamnamar ka jingud jingnam jong ki samla ba iakhun ia kane ka eksamin rungkam, kiba la pynpaw ia ka jingsngewkhia ia ka jingpynslem ka DSC ia ka result” ula ong.
