Shillong, Iaiong 30: Kila don haduh 7085 ngut na ki 8918 ngut ki khynnah pule (79.44%) kiba la rejistar ban iakhun ia ka Secondary School Leaving Certificate (SSLC) Supplementary Examination 2025, ka ban sdang naduh ka 1-8 tarik u Jymmang.
Ia kane ka eksamin yn pynlong ha ki 76 tylli ki jaka thoh eksamin kaba kynthup ia ki 49 tylli ki Centre ha rilum Khasi & Jaintia bad 27 tylli ki Centre ha rilum Garo.
Ki khynnah pule kiba la rejistar na rilum Khasi ki don 2235 ngut bad 4850 ngut na rilum Garo.
“Ka Meghalaya Board of School Education ka khmih lynti ban pyndep ia baroh ki kam haduh ka jingpyllait ia ka resol hapoh u bnai Jymmang 2025 hi, ban plie lad ia ki khynnah kiba ‘Pass’ ba kin ioh bteng ia ka jingpule ka jongki ha ka Higher Secondary School ha kylleng ki jylla ” la pyntip u Commissioner & Secretary ka tnad ka pule puthi u Vijay Kumar Mantri ha ka kyrwoh khubor hynne ka sngi Balang.
Ka tnad pule puthi kila kitbok kitrwiang ia baroh ki khynnah pule kiban iakhun ia kane ka SSLC Supplementary Examination, 2025.
 kiba la rejistar ban iakhun ia ka Secondary School Leaving Certificate (SSLC) Supplementary Examination 2025, ka ban sdang naduh ka 1-8 tarik u Jymmang.){kind=link}