spot_img

“Ngi la ioh haduh 99% ki jaka ba iakajia ban pynhap ha Meghalaya”: Conrad

Date:

Share post:

Shillong, Naitung 13: Haba theh umpjah ia ka jingkam jong u Dr Mukul Sangma Nongialam ka All India Trinamool Congress (AITC) ba ka Jylla kaba duh ei ia bun ki jaka sha ka Assam lyngba ka soskular pynbeit pud, u Myntri Rangbah ka Jylla Conrad Kongkal Sangma ula pyntip ba ka Soskular ka dei ka jingioh nong jong ka Jylla namar haduh 99% ki shnong kiba don ha ka jingiakajia kila hap mynta sha Meghalaya.

“Nga sngewkmen ban iathuh ha phi ba haduh 99% na kito ki shnong ha ki jaka ba iakajia, kila wan mynta sha Meghalaya. Katba ka Sorkar barim ka dang iaktaid ia ka kaiphod bad ki map bala aiti sha ka Assam, ka Sorkar jong ngi kala trei shitom halor kine bad pynthikna ba haduh 99% ki shnong ba iakajia pud kin wan sha Meghalaya” ong u Conrad.

U Myntri Rangbah ka Jylla ula ong ba u Dr Mukul Sangma u dei ban sangeh ia ka jingleh politics na kane ka kam iapynbeit pud namar ki briew kiba im ha kine ki jaka iakajia kila im jynjar la slem bah bad kwah noh ia ka jingiapynbeit pud.

Haba iadei bad ka jingiakren pynbeit pud jong ka kylla kaba ar, u Myntri Rangbah ula pyntip ba dei namar ka jingjia shlei um, ka jingpynbeit ia ka jingiakren kala shu sahkut noh. Ula ong ba shisien ba kiei kiei baroh kila wan phai biang kumba ju long, ki ar sorkar kin sa sdang noh ia ka jingiakren.

Share post:

spot_img
spot_img

Popular

More like this
Related

Yn leit ka U-20 Boys’ ka Meghalaya ban ioh jinghikai ha ka Elite Training Camp ha France

Shillong, Jymmang 02: U Myntri Rangbah ka Jylla u...

Elekshon GHADC | Ka NPP kan ai ticket ia ki kyrtong kat kum ka jingkyrmen ban jop

Shillong, Jylliew 02: U working president ka National Peoples’...

Pyrshah ki Sengbhalang ban ai pyniaid ia ka Tura Medical College sha ki riew shimet

Shillong, Jylliew 02: Ka kynhun ki shiphew tylli ki...

Thung ka Acting VC ia u Prof Umdor kum u Pro VC ka NEHU

Shillong Jylliew 02: U Prof Sumarbin Umdor jong ka...