-->

Ngam jyllop 2 ngut ki shipara ba dang hapoh 5 snem ha Wah Dyke

Date:

Share post:

Nongstoin, Naiwieng 30 : Arngut ki shipara kiba dang hapoh ka 5 snem ka rta, kila iap jyllop hapoh kawei ka wahduid bala tip kum ka Wah Dyke ha ka shnong Laitkynja, kaba jngai kumba 100 meter na shnong Laitnong, South West Khasi Hills.

Kane ka jingjia kala jia ha ka 28 tarik Naiwieng ha ka por 1 baje eiei bad kine ki shipara ki dei ki khun u Bah Ensiroy Wanniang.

Kine ki shipara ki kyrteng I Sukkhyrhai Lyngkhoi ba 5 snem bad u para Banshan Lyngkhoi ba 3 snem 3 bnai.

Kat kum ka jingiathuh ki Pulit, kine ki heprit kila iaid kai shajan katei ka wahduid bad ialehkai hynrei une u heprit ula syntuid bad hap sha kane ka wahduid. La ong ba I heprit Sukkyrhai Lyngkhoi haba iohi iala u para ba hap ha um, ila leit hiar ban iarap ia u hynrei ila ngam jyllop lang.

Ia kane ka jingjia la liohi da iwei I heprit Lawanbiang Lyngkhoi ba 5 snem, iba la leit mareh ban pyntip sha ki Kmie Kpa jong kine ki heprit hynrei haba ki poi ha katei ka wahduid, kila lap ba kine ki heprit kila khlad noh.

Ki Pulit kila hiar ban tohkit halor kane ka jingjia.

Share post:

-->
spot_img

Popular

More like this
Related

Nang kiew ki kam jngohkai ha Meghalaya, ong u Timothy Shira

Shillong, Risaw 21: U Myntri ka Tnad Jngohkai u...

Kwah u Shira ban khot da ki saiantist ban tehlakam ia ka jingbam khniang u kba bad diengkwai

Shillong, Risaw 21: U Myntri ba khmih ia ka...

Kynthoh u Shira ia u MP ka Tura ba shu bud tynneng ia kiwei haba dawa lynti rel

Shillong, Risaw 21: U Myntri ka Sorkar Jylla u...

Shakri ka PHC ha Dangar kum ka CHC | Kyntu ka HNYF ia ka Sorkar ban pynbiang lut ia ki jingdonkam

Shillong, Risaw 21 : Ka Primary Heath Centre (PHC)...