Shillong, Nailar 19: U National Executive Member ka BJP bad Myntri barim ka Jylla Bah A.L.Hek hynne ka sngi thohdieng, ula pynpaw ba um don jingtip eiei ruh em halor ka jingthmu ban bujli ia u Nongialam ka BJP ha Jylla.
“Ngim don jingtip ia kane ka jingthmu ban bujli ia u Nongialam ka Party. Ha ka jingshisha, ngi dang iatreilang kum kawei bad iatylli mlon kum ki nongtrei ka party” ong u Bah Hek haba iakren bad ki nongthoh khubor.
Haba kam ba baroh ki kam ki biang nadong hadong ha BJP, une u MLA ka Pynthorumkhrah ula ong ba kam don satia kano kano ka kynrum kynram ha ka Party.
Haba kylli kaei k aba un leh lada u shah tyrwa ban shimti ia ka kam President, u Bah Hek ula ong “Ngi dei baroh ki Nongtrei ka Party (Karyakartas), ngi trei n aka bynta ka party bad ngin iai bteng ban trei na ka bynta ka party”.
Ula ban jur ba baroh kiba don ha ka Party kila iatrei shitom ban pynthikna ba ka Jylla Meghalaya kan ioh ia ka Sorkar ba ialam da ka BJP hadien ka elekshon MLA 2023.
Haba kdew ia ka jingthmu jong ka Sorkar ban seng ia ki casino ha Ri-Bhoi District, une u Nongialam ka BJP ula buh jingkylli ia ka Sorkar Meghalaya Democratic Alliance (MDA) ba kan mang pisa pynban ha kaban tei ia ki stadium kiba heh ha kane ka District.
“Naba ngi dang rakhe ia ka jingdap 50 snem ka Jylla, ha ka jaka jong ka Casino, balei ba kim ai da ki stadium kiba heh ha Ri-Bhoi District khamtam b aka dei ka Aspirational District” ula ong.
