Shillong, Naiwieng 14: Na ka jingjop kawei ka takma ksiar ha u 2018 na ka jingialehkai Teble Tennis, ka Meghalaya mynta ka kynti kala nang ioh khur bun ia ka takma ksiar ha ka North East Olympic Games 2022, kaba kut hynne ka sngi nyngkong ha NEHU Indoor Hall.
Ka Meghalaya kala ialehkai bha ban jop ia ka phainal ha ka mixed double pyrshah ia ka Mizoram, ka women’s double pyrshah ia ka Mizoram bad ka Women’s Single pyrshah ia ka Tripura.
Ka Mizoram kala khur ia ka takma ksiar ha ka jingialehkai men’s single bad men’s double.
Ka Tanushree Dasgupta bad ka Camelia Diengdoh kila beh nadien ban jop ia ka Lakthangsangi bad Malsawmtluangi jong ka Mizoram da 11-13, 11-6, 11-8, 11-8 ha ka phainal jong ka women’s double.
Hynne ka sngi, ka Dasgupta bad u Suranjit Dey kila pynliem ia u Alberti bad Lalthangsangi ka Mizoram da 11-5, 12-10, 5-11, 11-7 ban khor ia ka takma ksiar ha ka mixed double bad ka Tanushraa kala pynlien ia ka Sreyashi Chakraborty jong ka Tripura da 11-5, 11-2, 11-7, 11-13, 11-9 ha ka women’s single.
