-->

Nagaland: Kynnoh ka NPCC ba ka jingpynlut ha ka Elekshon ka kham heh ia ka Mang tyngka ka Jylla

Date:

Share post:

Kohima, Nailur 12: Ka Nagaland Pradesh Congress Committee (NPCC) kala kynnoh ba ka pisa bala pynlut kyllum lang da baroh ki kyrtong jong ki 60 constituency ha ka elekshon Assembly ba dang shu kut ka kham palat ban ia ka mang tyngka ba shisnem jong ka Jylla.

Ka dei ka jingsei madan kaba heh bha da ka Congress pyrshah ia ki kyrtong kiba la pynlut bad theh pisa laki laka tang ban jop ia ka elekshon.

Haba iakren bad ki lad pathai khubor, u President ka NPCC Supongmeren Jamir ula ong ba ha kum kane ka jingleh, ki paidbah kim lah ban khmih lynti palat na ka Sorkar.

“Mynta hi ka don ka Sorkar bym don Liang Pyrshah ha kaba baroh 60 ngut ki MLA kila iashonglang ha kawei ka shatei bad ym don satia uwei ruh u ban ieng na ka bynta ki paidbah” ula kynnoh.

Ula ong “Ngi la iaid kylleng ki jaka ka Jylla da ka jingthmu ban iakynduh ia ki riew paidbah bad ban sngap ia kaei kaba ki don ban ong halor ki DCC bad ACCC. Ka NPCC ka kwah ban tip ia ka jingmut jong ki paidbah ban tip ba kumno ki leh bad hato ki ioh hok mo iala ka jong ka hok”.

Ula ong ba lada ka Congress ka shah jied ha ka bor khlem pep, kan ieng ban iakhun na ka bynta ki paidbah.

U Jamir ula khot ia baroh ki Nongshongshnong kiba don ka jingkitkhlieh kynthup ki kynhun treimon sngewbha bad Sengbhalang ba kin iawanlang bad ia ieng ryngkat ha kaban iakhun ia ka hok u paidbah.

Ula ong ba ka party Congress watla kala don ha Liang Pyrshah la jan 20 snem, hynrei ka don hangtei na ka bynta ki paidbah.

U Jamir ula pyntip ba ka Congress khlem pep kan sei ia u kyrtong ban aireng ha ka elekshon Lok Sabha 2024.

Share post:

-->
spot_img

Popular

More like this
Related

Suba shah pyniap sa ka Khynnah 13 snem ha Ri-Bhoi

Nongpoh, Risaw10 : Sa kawei ka Khynnah bad dang...

Mih sa u DC bad DTO ban talasi kali ha Ri-bhoi | Ioh lum kuna haduh T. 10.5 lak

Shillong, Risaw 10: Hadien u Superintendent of Police (SP),...

Vinoo Mankad Trophy | Watla ioh hattrick u Mewan, liem ka Meghalaya ha ka Sikkim da 3 wicket

Shillong, Risaw 09: U Mewankitbok Kharpuri u la ioh...

Bate kam u CEM ka KHADC ia ki 7 ngut ki EM 

Shillong, Risaw 09: U CEM ka KHADC Bah Winston...