Shillong, Nailur 12: Kawei ka Longkmie kala kam ba kala lap da ki prek hapoh jong ki dawai ka Khun bala ai da ka Hospital Sorkar ka Pomlum PHC.
Kane ka jingjia kala jia ha ka sngi Saitjain haba kane ka Kmie jong ine I Khynnah 12 snem, kala lap ia kine ki prek ha ka por ba dang mut pyndih dawai iala I Khun ba ioh na kane ka hospital Sorkar.
Ia kine ki prek la kam na ki artylli ki dawai jong ka sop amoxicillin tablet bad n haduh 10 tylli.
Mar syn lap ia kane,kane ka Longkmie kala pyntip sha ki bor pyniaid ka PHC haba kyrpad ba kin leh eiei da kaba tyngeh ia kito kiba donkti.
Ka Myntri kam Pohiing Kong Ampareen Lyngdoh haba shimkhia mardor ia ka jingujor , kala thung ia ka kynhun ki Doktor bala khlieh da ki doktor Specialist bad Drug Inspector ka Tnad, kiba la leit wut wut sha PHC ban pynshisha bad ban tohkit ia kane ka jingjia.
Hadien ka jingbishar bha ia ki dawai, ka Myntri kala ong ba ki prek ki dei kiba kham heh ban ia ki dawai bad kane kala pyn artatien ia ka jingshisha halor kane ka jingujor.
Kala pyntip ruh ba la khmih bha ruh ia baroh ki dawai na kiwei kiwei ki jaka sumar ioh don kum kine ki juh ki jingujor hynrei haduh mynta ym pat don satia.
