Shillong, Rymphang 17: Ka kompeni SpiceJet kan pyniasoh ia ka Nongbah Shillong sha Delhi da ka liengsuin ka ban her kamai arsien shitaiew naduh ka 24 tarik u Rymphang.
Ia kane la pyntip da ka Chief Commercial Officer (CCO) ka Spicejet, ka Shil[a Bhatia.
Kane ka kompani kala iasoi soskar bad ka Meghalaya Transport Corporation (MTC) ha ka 14 tarik mynta u bnai bad kane ka long ruh kum shibynta ban kyntiew iaka kam jngohkai pyrthei hapoh ka jylla.
Ka Chief Commercial Officer jong ka kompeni SpiceJet ka Shilpa Bhatia kala ong ba ka kompeni ka don ka thong ban pyniasoh iaka nongbah Shillong bad ka jylla Meghalaya sha kiwei ki nongbah ka ri India.
Ka Bhatai kala ong ba ka Meghalaya kadei ka jylla ba khring bha iaki nongwan shangkai suwari hapoh ka thain shathei lam mihngi namar ka jylla ka riew spah haka jingdon ki jaka ba itynnad kaba la wanrah iaka jingkiew haka kam jngohkai bad kane ka jingpynher lengsuin daka Q-400 Aircraft kaba ar sien ha ka shi taiew kan nang lah shuh shuh ban kyntiew iaka kam jngohkai pyrthei jong ka jylla.
Lah ban ong ba ka nongbah Shillong kadei ka nongbah ba bun bha ki jaka pule ba paw, ki ophis sorkar pdeng bad kumjuh ruh ka nongbah kadei kaba la tip kum ka ‘Scotland of the East’ namar ka jingpaw nam ki jaka ba itynnad kiba khring ia ki nongwan shangkai suwari.
