Shillong Lber 29: Ki shipai jongka 144 Bn, BSF Meghalaya ha ka sngi Thohdieng kila ioh kurup 285 tylli ki dawai pynbuaid Yaba Tablet ha ka thain khappud kaba don ha South Garo Hills district.
Ki BSF kila pyntip, haba kila ioh ia ki jingtip kiba paka kila wad ha kylleng ki jaka bad kila lap ia kawei ka pla plastik kaba la buhrieh ha uwei u dieng bad haba la khmih la shem ia ki 285 tylli ki dawai Yaba, kiba la thmu ban khaii tuh sha ri Bangladesh.
Ia une u drok uba la ioh kurup, ki BSF kila aiti noh sha ki pulit jongka Gasuapara Police Station.
Ha kawei pat ka liang, ki Border Security Force kila ioh kurup 19 tylli ki masi na ka thain khappud jong ka West Jaintia Hills district, dang step phyrngab ha ka sngi Thohdieng.
Ia kitei ki masi la thmu ban khaii be-ain sha Bangladesh bad ki BSF kila aiti noh ia kine ki masi sha ki bor pulit ba kin leh ia kaba donkam.
