Shillong, Nailar 11: U Myntri ka Sorkar Pdeng ba khmih ia ka Jal Shakti bad Tribal Affairs u Bishweswar Tudu, un wan poi mynta ka sngi ha Shillong ban shong bishar ia ka jingpyntreikam ia ki skhim ba ai ka Sorkar Pdeng ha Jylla.
U Tudu un pynlut por arsngi ha Jylla kata ha ka 12 bad 13 tarik Nailar bad un iakynduh ruh markhmat ia u Myntri ka Water Resource Bah Brolding Nongsiej ha Shillong.
Une u Myntri un lum ia ka jingialang bishar kam halor ka jingpyntreikam ia ki kam pynroi bapher bapher, ki skhim bad ki programme jong ki Ministry bapher bapher ka Sorkar Pdeng.
Hadien kane, u Myntri un sa shong bishar ia ka jingpyntreikam ia ka skhim JJM, SBM, PMKSY bad kiwei kiwei ki flagship programme jong ka Ministry of Jal Shakti bad Tribal Affairs.
Hadien kine ki jingialang, u Myntri un sa leit ban jurip ruh ia ki project kiba dang pyntrei mynta da ka Sorkar Pdeng hapoh ka Jylla.
