Shillong, Lber 3: Hadien shisngi ba pynbna ia ka result, ka NPP kala pynkhreh ban thaw ia ka sorkar hadien ka jingkyrshan ka BJP bad kiwei kiwei ki MLA.
U National President ka National People’s Party Conrad K Sangma ula shong jingialang hynnin ka miet bad u President ja BJP Meghalaya Ernest Mawrie lem bad u National Secretary Rituraj Sinha.
U Conrad hadien ula ai khublei lyngba ka Twitter “Khublei ia phi ka BJP Meghalaya ba aikti len ia ka NPP bad ban ai jingkyrshan ia ka party jong ngi ba kan thaw sorkar. Ngin dang iai bteng ban iatreilang ha kaban shakri ia ka Meghalaya bad ki paidbah.”
Thank you @BJP4Meghalaya for reaching out to the NPP and for extending your support to our party to form the Government. We will continue to work together to serve Meghalaya and its people.@AmitShah @JPNadda @himantabiswa pic.twitter.com/xSR3QD1xNB
— Conrad K Sangma (@SangmaConrad) March 2, 2023
Kat kum ka jingioh khubor ka MDA – II kala pynkhreh ban thaw ia ka sorkar da ka jingkyrshan lang ki 2 ngut ki MLA shimet, 2 ngut ki MLA ka PDF bad HSPDP. Kane ka sorkar kan don 34 ngut ki MLA bad kin leit iakynduh ia u Lat ban kam ia ka jingbun paid.
Ka UDP ka dang kynjah jar jar halor ka jing iatreilang bad ka NPP hynrei ki tyllong khubor ki iathuh ba ka kynhun jong ka UDP kila iakynduh ia u Chairman ka NEDA Himanta Biswa Sarma hynnin ka miet sngi palei.
U Conrad K Sangma un pynbna paidbah mynta ka step por 11 baje ia ka kynhun thaw sorkar nala ka jong ka Iingsah.
