Shillong, Nailur 13: U Symbud Myntri Rangbah ba khmih ia ka Tnad Bording Bah Prestone Tynsong hynne ka sngi ba-ar ula pyntip ba ka Tnad ka lah ban sa plie noh mynta u bnai ia ka 132Kv Sub-station ha Phulbari.
Ia kane ka project la mang naduh ka 1 tarik Nohprah 2014, ong u Bah Prestone ha ka jubab hapoh ka Iingdorbar.
Namar ka jingsngewkhia ia ka jingslem ban pyndep ia ka project, u MLA ka Rangsakona Zenith Sangma ula ong ba ki paidbah kila mad ia ki jingeh namar ka jingtlot palat ka bording ha ka thain.
Ia kane, u Bah Prestone ula kubur ba ka jingpyniaid ia ka kam kala jrong bha bad ka jingiasoi ia ka soskular shim ram hapdeng ka Sorkar India, ka kompani ba bei tyngka bad ka Sorkar Jylla ka dei kaba dang dep ha ka 28 tarik Naiwieng 2016.
Ula ong ba kane ka Project ka dang shu dep da kine ki khyndiat taiew haba kular ba yn sa ialeh ban plie noh mynta u bnai.
