Tura, Naitung 8: Hynniew ngut ki briew kila mynsaw haba ka bos ba ki shong kala kylla bad noh sha kawei ka jaka lang um ha West Garo Hills District.
Kane ka jingjia kala jia ha ka por 2:30 hynne ka step phyrngap bad kane ka bos kaba don u nombor AS-01-NC-2524 ka dei kaba mih na Guwahati bad kaba thmu ban leit sha Mankachar,Assam da kaba iaid lyngba ki jaka them jong ka Ri-lum Garo.
U Nongniah jong kane ka bos ula phet krad na kane ka jingjia. Ki paidbah kiba iohi ia kane ka jingjia kila leit ban ai jingiarap ia ki briew ba don hapoh ka kali bad kila iarap ban pynkit noh sha Hospital ba kin ioh jingsumar.
Ka jingtohkit halor kane ka jingjia kala iaid shakhmat, ong ki Heh Pulit ka District.
