Shillong, Jymmang 13 : Ka Sorkar Jylla kala ai jingmynjur ia ka jingtyrwa jong ka Executive Committee ka KHADC ba ialam da ka VPP, ban thung ia u Bah Mathew Makdoh kum u MDC ba shu sieh jong ka Council.
“Ngi la iakynduh ia u Symbud Myntri Rangbah ba khmih ia ka Tnad District Council Affairs (DCA) Bah Prestone Tynsong halor kane ka kam bad ula pyntip sha ngi ba ka Sorkar kala ai jingmynjur ia ka jing tyrwa bad shen ka Sorkar kan sa pynmih ia ka jingpynbna” ong u EM ka KHADC Bah Powell Sohkhlet haba iakren bad ki nongthoh khubor hadien ka jingialang hynne ka sngi ba-ar.
U Bah Powell ula ai khublei ruh ia ka Sorkar MDA ba ialam da ka NPP kaba la ai jingmynjur ia ka jingtyrwa bad ong “Ka dei ka kam ka bym ju jia koit”.
Kat kum ka jingong jong u, ha ba bun ki khep, ia kum kine ki jingtyrwa ym ju da kham mynjur haba don da kawei pat ka Sorkar hapoh ka Jylla bad ha District Council.
“Ngi ai khublei ia ka Sorkar Jylla bad ngi la rai ban ap ia ka jingpynbna ka ban sa pynmih”ong u Bah Powell.
