Shillong, Jymmang 13 : U Symbud Myntri Rangbah ba khmih ia ka Tnad District Council Affairs (DCA) Bah Prestone Tynsong ula kular ba shen un sa lum ia ka jingialang jong ka Tnad Urban Affairs bad ka Community & Rural Development ban pynbeit ia ki kam kiba iadei bad ka jingsam ia ki skhim MDC bala mang na ka 15th Finance Commission.
Haba pyntip ia kane hadien ka jingiakynduh ia u DyCM, u EM ka KHADC Bah Powell Sohkhlet ula ong “U Bah Prestone ula kular ban sa khot ia ka jingialang ka Tnad Urban Affairs bad C&RD ban pynbeit ia kane ka kam”.
Ula ong ba ka mat hi ka long ba ki Shnong kiba hap hapoh ka Municipal Area kim ioh jingmyntoi satia na ka skhim namar ka dei kaba la mang sha ki jaka nongkyndong kat kum ki kyndon jong ka 15th Finance Commission.
Kum kine ki shnong ki dei kiba don ha Shillong bad ha Jowai.
“Haba ngi ioh ia ka pisa na ka 15th Finance Commission, ki MDC na ki jaka sor kila buh jingkylli ba kumno tang ki MDC na ki jaka nongkyndong ki ioh ban pyntreikam ia kum kine ki skhim. Kumta, ngi sngew ba namar ka skhim ka dei kaba la pyntreikam lyngba ki ADC, baroh ki MDC ki dei ban ioh pyntrei ia ka skhim hala ki jong ki constituency” ong u Bah Powell.
Haba kylli, une u EM ula ong ba mynshuwa ia kane ka skhim la pyntrei ha baroh ar-jaka nongkyndong bad jaka sor. Hynrei, mynta ym lah shuh ban leh kumta namar ia baroh kiei kiei haba iadei bad ka jingpyntreikam ia ka skhim, la hap ban thep ha ka portal jongka Panchayati Raj.
 Bah Prestone Tynsong ula kular ba shen un sa lum ia ka jingialang jong ka Tnad Urban Affairs bad ka Community & Rural Development ban pynbeit ia ki kam kiba iadei bad ka jingsam ia ki skhim MDC bala mang na ka 15th Finance Commission.){kind=link}