spot_img

Mynjur ka Sorkar ia ka Urban Parking Policy 2025 ban pyrrkhing ieng kali harud surok

Date:

Share post:

Shillong, Rymphang 26 : Ka Kynhun Myntri ka Sorkar Jylla ha ka sngi Balang kala ai jingmynjur ia ka Meghalaya Urban Parking Policy 2025, kaba thmu ban teh kyndon ia ka jingpynieng kali ha ki surok shnong bad ki surok ha baroh ki jaka sor ka Jylla.

Haba iakren bad ki lad pathai khubor, u Myntri Rangbah ka Jylla Conrad K Sangma ula ong ba ka Parking Policy kala wan kum shibynta jong ka mobility plan kaba la mynjur ha u snem bala lah da ka Kynhun Myntri kaba dei beit thik tang jong ka nongbah Shillong.

“Hynrei kane ka parking policy ka dei ia baroh ki jaka sor ba nang roi ha ka Jylla. Ngi kyrmen ba kane kan teh kyndon ia ka jingpynieng kali kaba ju jia ha ki surok shnong bad ha ki surok bad ban buh noh da ka jinglum pisa bad ha kajuh ka por, ki briew ruh kin nym pynieng kali katba mon naba yn sa ithuh ia ki jaka ba kyrpang ban pynieng ia ki kali bad ki jaka ki bym dei ban pynieng” ula ong.

Ula ong ba ki jaka pynieng kali ka Municipal bad ki parking lot jong ka Tnad Urban Affairs kin ym shah ktah satia bad kin iai bteng ka jingtreikam kumba ju long namar ka policy ka dei beit thik tang ia ka jingpynieng kali ha ki surok.

U Conrad u iathuh ba ia mynta, kam pat ju don satia ka jinglum pisa ia ki kali kiba pynieng harud surok bad ym don ruh ki kor ki bor ban peitngor ia ki.

“Ia kane ka policy la wanrah ha ka jingiasyllok bad ki Pulit, ka Tnad Urban Affairs, ka Tnad Transport bad ruh ki Rangbah Shnong. Ia kane yn pyntreikam ha kata ka rukom ha kaba ngin sa phiah ia ka sor ha ki zone bapher bapher bad ki nong shongshnong jong ki shnong bapher bapher kin iadon bynta lang khnang ban pynthikna ba ka policy kan treikam ha ka rukom kaba dei” ula ong.

U Myntri Rangbah ula pyntip ruh ba ka Sorkar Jylla ka long kaba khreh ban pyntreikam da ka PPP mode bad ki seng bapher bapher lem bad ki Shnong ba kin pyndonkam ia ki jaka kum ki jaka pynieng kali.

Haba kylli, u Conrad ula ong ba ka Sorkar kan ioh lum khajna kumba T.40 klur ha ka shisnem na ka jinglum ia ka bai pyn ieng kali.

Share post:

spot_img
spot_img

Popular

More like this
Related

Ban pynkhlain ia ka NPP ha Ri-lum Khasi | Thung u Bah Prestone ia 2 ngut ki MLA kum ki nongaibuit

Shillong, Jylliew 06 : U President ka National People’s...

‘Assam-Meghalaya area of difference’: Dhar review inclusion of Baikam village

Jowai, June 6: Meghalaya Deputy Chief Minister and Chairman...

BJP Mahila appraises NCW member on death of pregnant woman

Jowai, June 6: The tragic death of a pregnant...

Kem ki Pulit ia 2 ngut ki Nonglute na Nongrim Hills | Shah dung uwei u nongiaid lynti

Shillong, Jylliew 06 : Ki Pulit ka Laitumkhrah Police...