Shillong,Nailur 07: Ka kynhun Myntri ba shong jingialang hynne ka sngi Balang kala mynjur ban pynkylla thymmai ia ki kyndon jong ka Meghalaya Fiscal Responsibility and Budget Management (MFRBM) Act ha ka dur jong ka Ordinance.
Haba iakren bad ki Nongthoh khubor hadien ka jingialang, u Myntri Rangbah ka Jylla Conrad Kongkal Sangma ula ong ba kat kum ka jingbthah jong ka Sorkar Pdeng, la leh ia kane ka jingpynkylla bad ngin sa pynlong ain noh ia ka Ordinance ha ka Dorbar Synran ban wan jong ka Iingdorbar Thaw Ain, ka ban sdang naduh ka 9 tarik Nailur.
U Conrad ula ong ba ia ka jingpynkylla la leh khnang ban kyntiew ia ka fiscal deficit n aka 3.5% sha ka 4% kaba long kat kum ka kyndon bad jingbthah jong ka Ministry of Finance.
Ka Kynhun Myntri kala mynjur ruh ia ka Meghalaya State Consumer Protection (Mediation) Rules ban pynthikna ia ka jingsted ha ka jingai ia ka jingbishar ba hok.
U Conrad u ong “Ka jingmut haba thaw ia kine ki Rule ka long eh ban pynthikna ba kino kino ki kam ba iadei bad ki Nongthied Nongpet ne ki kam ai jingiada kiba dei ban don, ki jingbishar yn lah ban leh noh ha ki District khnang ba ki Nongthied Nongpet kin ym donkam shuh ban wan sha ki Appellate Authority tang ia ki kam barit baria kiba dang lah ban pynbeit hapoh ki District”.
Ula pyntip ruh ba ka kynhun Myntri kala mynjur ruh ia ka Meghalaya Goods and Service Tax Ordinance 2022, ka ban sa wanrah ha ka Iingdorbar Thaw Ain.
Ula ong ba kane ka jingpynkylla ka dei kaba la leh kat kum ka rai kaba la shim da ka GST Council.
Ha kajuh ka por, ka Kynhun Myntri kala mynjur ruh ia ka Meghalaya Profession, Trade, Callings and Employment Tax.
3. The Meghalaya Fiscal Responsibility and Budget Management (Amendment) Bill 2022.
— Conrad Sangma (@SangmaConrad) September 7, 2022
