Shillong, Nailur 07: Ka Sorkar Meghalaya Democratic Alliance (MDA) hynne ka sngi Balang kala mynjur ia ka jingpynbna paidbah (notification) ban pyntreikam ia ki kyndon jong ka Code of Criminal Procedure (CrPC) bad ka Code of Civil Procedure (CPC) ha baroh ki Iingkashari hapoh ka Jylla.
Cabinet has approved the issuance of the Code of Criminal Procedure (CrPC) & the Code of Civil Procedure (CPC).
After detailed consultation with all the District Councils & after clarifying their concerns, we have cleared the notification which reads as follows-@narendramodi pic.twitter.com/n5yZjn8taq
— Conrad Sangma (@SangmaConrad) September 7, 2022
Ia kane ka rai la shim da ka jingialang jong ka Kynhun Myntri bala pyniaid da u Myntri Rangbah ka Jylla Conrad Kongkal Sangma uba la ong “Hadien ka jingiapynbeit bad baroh ki jingpynsngew jong ki Autonomous District Council (ADC), ngi la iaid shakhmat mynta ka sngi ban mynjur ia ka jingpynbna paidbah”.
Kane ka jingpynbna paidbah ka ong kumne: “ Kum ka jingpynbud ia ka jingphiah pura ia ka Judiciary naka Executive bad haba pyntreikam ia ka bor bala pynkup da ka proviso jong ka sub section 2 jong ka section 1 jong ka Code of Criminal Procedure, 1973 Act II of 1974, ka Sorkar Meghalaya ka sngewbha ban pyntreikam ia ki kyndon jong ka CCP 1973 sha ki Iingkashari ha ka Jylla Meghalaya”.
La ong ruh “Ki Iingkashari District Council kin dang iai bteng ban shim ia ka bor kat kum ka para 4 bad 5 jong ka Sixth Schedule ka Riti Synshar ka Ri”.
U Conrad ula ong ba ka Sorkar kala iohpdiang ia ki jingkynthoh da ka jingthoh na ka KHADC bad JHADC bad ruh ka jingai ktien na GHADC halor kane ka kam.
Haba kylli, u Myntri Rangbah ula ong ba kam shym la don shuh kano kano ka jingsngew artatien namar ka jingkylli kam mih shuh ba ki bor jong ki Iingkashari District Council kin sa pyntroin noh ha kano kano ka rukom.
“Ka daw hi ka long…namar kat kum ka para 4 & 5 jong ka Sixth Schedule, la kdew hangtei ba ka kynhun Myntri kan ym lah ban shu weng iaki bor bala pynkup da ka Iingdorbar Parliament” ula ong.
U Conrad ula ong ba ka jingpynbha ka long eh tang ban ailad ia ki Judicial Magistrate ba kin shim ia ka bor na ki katto katne ki kyndon jong ka ain.
Ula batai “Ngi don ia ki Judicial ADC kiba pyndonkam ia ka bor bad shim bishar ia ki case ha ki District bad mynta kim dei shuh ki Judiciary ADC hynrei kila dei ki Judicial Magistrate. Ki Judicial Magistrate kim lah ban shim ia ka bor na kano kano ka ain ne thymmei ne ki Rules, kumta kin hap ban shim ia ka bor na ki katto kayne ki kyndon kaba hap ban ai ha ki. Namar kata, ia kaei kaba ki Judiciary ADC ki ju leh baroh shikatta, ki Magistrate kin iai bteng ban leh kumjuh. Hynrei kumba nga ong, kane ka jingpynbna ka long ban ailad ia ki ban shim ia ka rai kaba ju iohda ki Judiciary ADC ha ki snem bala leit noh hashuwa ban phiah ia ka Judiciary bad ka Executive”.
