Shillong Lber 03: Ka Khasi Students’ Union (KSU) ha ka sngi Baar, kala pynpaw ïa ka jingsngewkhia halor ka jingbym kheiñ snep jong ka Sorkar ïa ki samla pule kiban ïaleh ïa ka eksamin CUET namar kin hap ban leit ialeh ia kane ka eksamin shabar jong ka Jylla.
Katkum ka kyrwoh na u Education Secretary ka KSU samla Pynkmenlang Sanmiet ula ong, “Ka jingpynngat Centre ne jaka thoh eksam ïa ki samla pule jong ngi shabar na ka Jylla man la u snem, kam dei shuh ka jingbakla hynrei kala dei ka jingleh khnang da ka jingbym kheiñ snep, jingkheiñ poh dor, ka jingleh matlah bad buh shadien ïa ka jingkordor jong ka pule ka puthi” .
“Man la u snem, ka Seng ka ju ïai kren, ka ju ïai phah da ki shithi sha ka Sorkar ban pyntip ïa kane ka kam, ba da ki hajar ngut ki samla pule ka jylla ki hap ban leit shabar na la ka jong ka jylla tang na ka daw ka jingbym kheiñ snep jong ka sorkar ïa la ki khun samla” ula bynrap.
U Samla Pynkmenlang ula ong, ba ka seng bad ka Jylla hi baroh kawei kala ïohi shai na ka snem sha ka snem ba ka Sorkar ka long kaba mutlop da kaba leh kyllut bad matlah ha kaba ïadei bad ka pule puthi bad ju pynlut por ban pynleit jingmut tang ïa ki kam tamasa ki bym wanrah jingmyntoi eiei ïa ka lawei ki samla jong ka jylla.
“Lada dei shisha ka sien ka ba nyngkong, lehse ngi lah ban ong ba ka don ka jingduna hangne hangtai, hynrei naduh ba mih ka CUET haduh mynta, ban shu matlah sah te kam lah ban long. Hato matlah u Myntri ka pule puthi ne matlah ki ophisar? La buh jingkylli u Nongialam ka KSU bad ka dawa mardor ïa ka sorkar ban pynbeit bad pynbiang shisyndon ïa ki jaka thoh eksam CUET hapoh ka jylla kumba kiwei ki jylla ki pynbiang ïa la ki samla pule.
 ha ka sngi Baar, kala pynpaw ïa ka jingsngewkhia halor ka jingbym kheiñ snep jong ka Sorkar ïa ki samla pule kiban ïaleh ïa ka eksamin CUET namar kin hap ban leit ialeh ia kane ka eksamin shabar jong ka Jylla.){kind=link}