Mynjur ka Sorkar ban ai jingithuh noh ia palat 1000 ki Longiing ba shong beain ha jaka sorkar

Date:

Share post:

Shillong, Jylliew 27: Ka Sorkar Meghalaya Democratic Alliance (MDA) hynne ka sngi nyngkong, kala mynjur ban ai jingithuh noh ia ki 1200 tylli ki Longiing ba shong be-ain ha ki artylli ki jaka sorkar kiba don ha Williamnagar, East Garo Hills District ba kin shong shnong kum u nongshongwai.

“Ka Sorkar kala rai ban ai jingithuh noh ia kine ki Longiing ba shong be-ain ha jaka Sorkar ha Williamnagar da kaba pyntreikam ia ka rai bala shim ha u snem 2002-2003” ong u Myntri Rangbah ka Jylla Conrad Kongkal Sangma haba iakren bad ki lad pathai khubor hadien ka jingialang jong ka kynhun Myntri.

Ha u snem 2002-2003, ka Sorkar kala rai ban ai jingithuh noh ia kine ki Longiing ba shong shnong ha ka jaka sorkar bad ban iateh ia ka soskular ba kin long ki nongshongwai, Hynrei naduh u snem 2003 haduh mynta, ia kane ka rai ym shym la pyntreikam satia.

“Namar kata, ka Sorkar ba mynta kala rai ban pyntreikam ia kane ka rai jong ka Williamnagar ha kaba ka jaka ha ki artylli ki kyntoit-ka Balsrigittim bad Warinagre- kiba shong shnong da ki 1200 tylli ki Longiing, kin ioh noh ia ka jingithuh. Ngin sa iasoi bad ki ia ka soskular aiwai bad baroh kine ki longiing ha kaba ka jinglong trai ia ka jaka kan long hi ka Sorkar Jylla” ong u Conrad.

U Myntri Rangbah u pyntip ba ka Sorkar kala buh ba kawei ka Longiing kan ioh kumba 10000 sqft bad ia ka dor bai wai yn pynshong nongrim n aka jingbuhdor ka GHADC. U ong baka Warinagre, ka jaka ka dei kaba la buh ha ka thup first class bad ka dor jong ka jaka kan long T.2.50 lak shi bigha bad ia ka jaka ha Balsrigittin kaba la ithuh kum ka second class, ka dor kan long T.1.87 lak shi bigha nalor ka jingsiew bnai ba hap ban siew da kine ki Longiing.

U Conrad u pyntip ba ka Sorkar kan sa shim ia kane kajuh ka sienjam haba iadei bad ki jaka ha sor Tura. “U Deputy Commissioner ula shim mynta ia ka sienjam ban sorjamin ia ka jaka ka sorkar bala shong iing da ki riew paidbah. Ngin sa wad ia ki lad ki lynti ban ai jingithuh lang noh ia kine ki Longiing hynrei ka jinglong trai ia ka jaka kan iai neh beit ha ka Sorkar Jylla” ula ong.

“Ngi la leh ia kane na ka bynta ka jingbha namar ngi la iohi ia ka jingmih shibun kiei kiei, shibun ki mukotduma ha ki por bala leit noh ia kaba ka Sorkar ka sngew ba kine kiei kiei kim dei ban iai bteng sah. Ta ka daw ngi sngew ba donkam ban wad ia ka lad iapynbeit ba sngewthuh lang ia kine ki jingeh bad kane ka dei kawei ka sienjam ban leh ia kata” ula bynrap.

Haba kylli, u Myntri Rangbah ula ong b aka Sorkar kan ioh lum khajna haduh T. 8 klur (kaba lum shisien lum) bad T.2.67 klur shisnem naka jaka ha Balsrigittim bad T 4.5 klur (ba lum shisien lum) bad T. 1 klur shisnem na ka jaka ha Warinagre.

Share post:

spot_img

Popular

More like this
Related

Ngam jyllop 2 ngut ki Khynnah Kynthei ha Wah Rilang

Shillong, Iaiong 22 : Arngut ki Khynnah Kynthei kiba...

Expelled and Unbowed: Avner Pariat’s defiant exit unveils party’s political turmoil

Shillong, Apr 21: Former Voice of People Party leader...

Jingshah pyniap dusmon ha Rongmil | Dawa ki kynhun na Assam bad Garo ia ka jingtohkit hok ki Pulit

Goalpara, Iaiong 21 : Ki kynhun sengbhalang na Assam...

Elekshon Lok Sabha : Sdang u Amit Shah ban ialap elekshon da ka road show ha Silchar

Guwahati, Iaiong 21 : U Myntri kam pohiing ka...