Shillong, Jymmang 06: U Heh Pulit IPS bala shongthait Bah Mariahom Kharkrang, ula mudui da ka ejahar sha ki Pulit ba don ki briew kiba shna Facebook Account thoh ha ka kyrteng jong u.
U Bah Kharkrang uba dei ruh u Nongaiktien ka BJP-Meghalaya, ula buh ia kane ka jingujor hakhmat u Officer in-Charge ka Lumdiengjri Police Station.
Kat kum ka ejahar, u Bah Kharkrang ula pyntip ba ki don ki briew kiba la shna thok ia ka Facebook Account ha ka kyrteng jong u bad kine ki briew kila sdang ban phah jingthoh sha ki briew ba tyrwa mar ban die.
Une u Heh Pulit bala shongthait, ula kyntu ban leh eei mardor halor kane ka kam.
