Guwahati, K’lyngkot 23: Ka Sorkar India kala pynphai pat ia 184 ngut napdeng ki 276 ngut ki shipai Myanmar, kiba la wan riehtngen naduh ka 17 tarik Kyllalyngkot hadien ka jingshah kurup noh ka ktem ha ki kynhun iakhun laitluid.
Ia kine ki shipai la pynkit noh da ka liengsuin ki shipai Myanmar hynnin ka sngi Nyngkong bad la pynpoi ia ki sha Lengpui airport hynnin hi ka janmiet.
Ki Heh Sorkar kila pyntip ba ki liengsuin ki shipai Myanmar kila wan saw haduh arsien ia kine ki 184 ngut ki shipai sha Sittwe (Akyab).
Haduh 276 ngut ki shipai Myanmar kila wan riehtngen ha Lawngtlai District ka Mizoram naduh ka 17 tarik Kyallyngkot hadien ba ki ktem jong ki, kila shah kurup noh ha ki kynhunkaikhlaw Arakan.
Kine ki shipai ha ryngkat ki tiar ialehkai, kila wan poi haka shnong Bandukbanga kaba don ha khappud ka Mizoram-Myanmar-Bangladesh, ha Lawngtlai bad la kit noh ia ki sha ka Assam Rifles Parva Camp ban ai jaka rieh.
Ka jingwan phet jong ki shipai Maynmar naduh ka 13 tarik Naiwieng 2023 kala kot sha ka 636 ngut haduh mynta.
