Shillong Nailar 31: Ka Jaintia Students Union (JSU) da ka jingsngewkhia halor ka jingeh kaba u paidbah u mad na ka jingtwa ka khyndew ha ka surok kaba don hajan ka shnong Borghat, hynne ka sngi Balang, ki nongialam bad ki dkhot ka JSU Southern Border Zone kila mih paidbah ban maramot hi ia katei ka surok kaba la julor.
Ka seng JSU kala shim ia katei ka sienjam hadien ka jingioh jingtip, ba ki paidbah ki shem jingeh ha ka leit ka wan namar ba twa ka khyndew bad u maw u lah neh mynta la bun bnai bad wat ki Maharal jong ka tnad PWD Roads, kim shym la shimkhia eiei.
Kat kum ka kyrwoh na u General Secretary ka JSU Samla TR Suchen, ula pyntip ba kane ka jingtwa ka surok kala pynwit iaka leit ka wan ki nongshong shnong khamatam ka khaìi ka pateng jong ka thaiñ South Border na ka daw ba ki kali heh bad ki kali rit kim lait shuh ban iaid bad kala buh ha ka jingma bad jingsyier iaki iaid ka ieng lyngba kane ka jingtwa.
Ula ong, ka seng ki lah dep pyntip bad kyrpad iaka tnad PWD ba kan shimkhia ban pynbha bad pynkhuid ia kane ka jaka ba twa ha surok hynrei ka tnat PWD kam treh satia.
Ula ong, kumta ki dkhot ka seng kila shimkhia hi ban pynbha ia kane ka jingtwa surok khnang ba ki paitbah ka thaiñ kin ioh ban leit ban wan kumba ju long ban ym pynthut iaka khaiì ka pateng ka siew ka tda sha iew sha hat.
Ka JSU ka maham ba nangne sha khmat, ka tnat PWD kadei ban shimkhia iaka jingeh u paidbah khlem da buh teng shuh.
