spot_img

Mih ki Kynthei ban pynkhuid ia ka surok ha Ri-Bhoi namar ka jingialang G20

Date:

Share post:

Nongpoh, Lber 31 : Kum ka jingpynkhreh ia ka jingialang G20 Nation halor ka haw haw (space), kaba la buh ban long ha Shillong ha ka 17 bad 18 tarik Iaiong, ki Kynthei ha Ri-Bhoi District kila mih ban pdiang burom ia ki nongwan iashimbynta na ki 20 tylli ki Ri ka Pyrthei sha kane ka “Ri ki Lyoh”.

Ka kynhun ki Kynthei na Quinine bad Umsaw kila iasnohkti lang ban pynkhuid ia ka surok naduh Jorabat haduhUmiam, da ka jingkyrshan lem jong ka National Highway Authority of India (NHAI). Kine ki Kynthei kila iasoi ia ka contract ban bylla sngi bad ka NHAI bad kila sdang ia kane ka kam naduh ka 30 tarik Lber, ka ban bteng haduh ka 1 tarik Iaiong.

Ha ka jingpynbna ba dang shen, u Lat ka Jylla BD Mishra ula pynthikna ba ka Shillong kan dei kawei na ki Nongbah ha India kaba la shah jied ban pynlong ia ka jingialang G20 halor ka haw haw. Ula pynbna ia kane ha ka jingrakhe ia ka Republic Day ha madan Polo mynta u snem.

Pule lang ia kane: Iatreilang ka Tnad MLP bad ka MHA ban tehlakam ia ki kam khaii briew ha Jylla

Share post:

spot_img
spot_img

Popular

More like this
Related

Iashimbynta haduh 82 tylli ki skul ha ka jingiakop pyni kolshor | Lahduh ka Army Public School

Shillong, Nailar 09: Ka Ramakrishna Mission Vivekananda Cultural Centre,...

Assam | Kyndang ka Sorkar ia 146 tylli ki Longiing na Negheribil ha Golaghat

Guwahati, Nailar 9: Haduh 146 tylli ki longiing kiba...

Kem ki Pulit Infiltration ia 7 ngut ki nong Bangladesh ba wan phet na Bangalore

Shillong, Nailar 08: Ki Pulit ka Anti Infiltration Check...

Sngew dap ram ka Lower Lumparing ia u Bah Sanbor ba pynioh bun ki kam pynroi

Shillong, Nailar 09: Ka Dorbar Shnong Lower Lumparing kala...