Guwahati, K’lyngkot 18 :Ki riew runar bym lah ban ithuh ha ka 14 tarik mynta u bnai ki la ther kuli ia ki nongshong shnong ka Gohpur hajan khappud ka Assam-Arunachal Pradesh kaba la wanrah ia ka jingmynsaw ia uwei u briew uba la tip kyrteng kum u Paniram Phanshu.
“Ha ka por kumba 10:30 mynstep u Paniram u la leit sha ki bynta khappud ka Arunachal na ka bynta ban thohdieng.Hadien ba ngi la ioh jingtip halor ka jingjia ther kuli ngi la pyntip mardor sha ki pulit bad leit sha katei ka jaka ba la jia.Hynrei, ngim shym la lapdien iano iano ruh ha kane ka jaka namar ki nongshong shnong na ki bynta ka Arunachal kila pynkit noh ia u mardor shapoh hospital.Ngim shym la tip ruh ia ka daw jong ka jingjia hynrei ngi thikna ba ka la don ka jingther kuli bad ba uwei u briew na ka bynta khappud ka Assam ula mynjur jur,” ong u heh ka tnat forest.
Katkum ki khubor la ong ba u Phanshu u don sha shiliang khappud ka Arunachal hadien ba katei ka jingjia ka la wan jia.Hadien la pynkit noh ia u mardor shapoh RK Mission Hospital ha Itanagar hapdeng ka jingmynsaw ka ba jur.
Ka tyllong khubor pulit ka iathuh ba u Paniram Phansu u la shah siat haduh san kuli. Halor kane ka jingjia na ka liang ki pulit ka Assam ki la sdang ban pynlong ia ka jingtohkit kaba bniah.
