Shillong, Naitung 24: Ka North Eastern Indira Gandhi Regional Institute of Health and Medical Sciences (NEIGRIHMS) ka la shah pynjah burom halor ka jingkynnoh jong kawei ka Longiing bad ki paralok na ka daw ka jingkhlad uwei u samla uba mynsaw hadien ka jingiatakhuh kali ha ka thain Umiam ha ka step Sngi U Blei.
Une u samla u dei uba mynsaw na ka jingiatynrah kali hapdeng ka Scooty ba u shong bad kawei ka Mahindra Thar ha ka por 11 baje mynstep Sngi U Blei.
Kat kum ka jingiathuh ki bahaiing bad kine ki paralok, hadien ka jingiatakhuh kali, ia une u samla la pynkit noh mar mar sha NEIGRIHMS da ka Ambulance bad poi ha Hospital ha ka poe 12:30 mynsngi. Kat kum ka jingong jong ki, une u Samla u dang im ha ka por ba rah ha hospital bad ula mynsaw ruh tang ha ki bynta jong ka kjat.
La kynnoh ba ki Nongtrei ka Hospital kila wan nyngkong ban pyntip ba une u samla ula khlad noh tang hadien katto katne minit hynrei kham hadien kila pynbna pat ba u dang im.
Hadien kane, kila pynbna biang ba ula iap, kaba la pynbitar lep ia ki bahaiing bad ki paralok jong une u samla.
Kat kum ka jingong jong ki, ym shym la don doktor ruh ha kane ka hospital tad haduh ka por 4 baje janmiet. Ki kynnoh b aka jingiap une u samla ka dei tang namar ka jingbym ioh ia ka jingsumar wat hadien 5 kynta ba ula poi ha kane ka hospital.
Kane ka jingjia kala pynbitar lep ia ki bahaiing hasem bad pynlong ia ki bad iakynroi bad ki Nongtrei ka Hospital lem bad ki nongap pahara jong kane ka jaka sumar.
 ka la shah pynjah burom halor ka jingkynnoh jong kawei ka Longiing bad ki paralok na ka daw ka jingkhlad uwei u samla uba mynsaw hadien ka jingiatakhuh kali ha ka thain Umiam ha ka step Sngi U Blei.){kind=link}