Shillong, Naiwieng 01: Ka Chipakkore FC ka la jop da 2-0 kol pyrshah ïa ka Lumsohkhlur S&SC ha ka jingïakhun jong ka Meghalaya State League Group A kaba la long ha madan phutbol ha Chandmari.
Ha ka kylla step jong ka jingïalehkai, baroh ar tylli ki kynhun ki la ïalehkai bha hynrei ym shym la don ba lah ban thep Goal.
Ka jingthep kol kala wan ha ka minit kaba 71, ha kaba u Balthu M Marak u la ïoh ban thep ïa ka kol kaba itynnad na shabar ka goal box, kaba pynlong ïa ka Chipakkore FC ban lamkhmat.
Haka minit ba 89 ka Chipakkore FC kala lah ban thep biang sa kawei ka kol lyngba u Bijay R Marak.
Ha ka jingïalehkai u Johnkupar Kharbani bad u Ricky Paul Kharmawlong jong ka Lumsohkhlur kila ioh yellow card ha ka minit kaba 41 bad 66.
Katba ki nongialehkai ka Chipakkore u Depangkor Hajong bad u Akim R Sangma ki la ioh ia ka yellow card ha ka minit kaba 55 bad 71 minit.
Ka Atong Matgrik bad ka Pinggera Do•Gisik naka Group D kin ïakhun ha ka 2 tarik Naiwieng ha ka por 2 baje janmiet ha Chandmari Football Turf.
