Shillong, Risaw 25: Ki kynhun ialehkai Football kiba paw ha ka jylla Meghalaya, kiba don ha kylleng ki jaka, kila pynkhreh ban iashimbynta ha ka 4th Meghalaya State League (MSL 4) 2024 kaban sdang ha ka 26 tarik u Risaw.
Ha ka sngi sdang kan don ka jingiakhun hapdeng ki ar tylli ki kynhun kiba la long teng ki lahduh ha ka MSL bad kine ki kynthup ia ka 7 Wasa United pyrshah iaka Shillong Lajong ka ban long ha Wahiajer Multi Sports Complex ha Wahiajer, West Jaintia Hills.
Ia kane ka lympung ialehkai yn plie pyrda da u Symbud Myntri Rangbah ka jylla Bah Sniawbhalang Dhar.
Ia kane ka jingiakob ialehkai football la pyniaid da ka Meghalaya Football Association bad lyngba ka jingkyrshan jong ka Department of Sports and Youth Affairs jong ka jylla ha kabaki Club kiba pawnam na kylleng ki District kin iashimbynta lang ha katei ka lympung.
Ka Rangdajied United FC kadei kaba bat ia ka nam lahduh da kaba pynliem ia ka Khliehmawlieh Youth Club ha ka Final kaba la long mynshem snem.
Group A (Tura) – Chipakkore FC, Atong Matgrik FC, Pinggera Do’gisik FC, Lumsohkhlur S&SC
Group B (Mawkyrwat) – Mawten SC, Khliehmawlieh YC, Riangdo Youth S&CA, Sutnga SS&CC
Group C (Tyrsad) – Mawlum Tyrsad SC, Seven United SS&CC, Ladthadlaboh SC, Nangkiew Shaphrang Lumdiengngan SC
Group D (Khliehriat) – Iatyllilang Lumsehkot FC Raliang, Mulait United FC, Rangdajied United FC, Rymbai Skhenshynriah SC
Group E (Wahiajer) – 7 Wasa United S&CC, Shillong Lajong FC, Seinbhalang Shkentalang FC, Mawtari Myrdon SC
Group F (Shillong) – Mawlai SC, Seng Samla Mawmluh, Pynursla United YC, Patharkhmah SC
 2024 kaban sdang ha ka 26 tarik u Risaw.){kind=link}