Kangpokpi, Iaiong 13: Ki paidbah riewngeit khristan kiba shong basah ha ka thain Kangpokpi jong ka jylla Manipur, mynta ka sngi ka 13 tarik u bnai Iaiong kaba dei ruh ka Sngi sla Tlai (Palm Sunday) kila ia mih paidbah ban ia shim bynta ha ka procession, da ka jingkyrmen ia ka jingphai biang ka shongsuk shongsain bad ka jingialong kawei hadien ba la mih ka jingia kynad ha ki ar snem ba la leit.
Kane ka procession ka long ban kynmaw burom ia ka jingjop u Jisu Khrist haba u leit ban rung sha Jerusalem da ka mynsiem jong ka jingpynthymmai ia kaba la sawa jam ha shi lynter jong ka surok shnong da kaba pyni lang ia ki dak ki shin kaba mih na ka jingiakynad hapdeng ki ar tylli ki jaitbynriew.
Wat la ha u snem ba la dep la iohi ia ka jingrakhe ka long kaba rit, hynrei ka jingrakhe mynta u snem kam shym la duna ia ka jingrakhe kaba phylla. Kane ka dei ka jingiaseng kaba heh tam naduh ba mih ka jingkulmar kaba jur kaba la jia ha ka 3 tarik u Jymmang 2023, Ka surok ha shi lynter jong ka Kangpokpi district la sawa jam da ki jingrwai, ki jingduwai, bad ka mynsiem jingkyrmen.
Ha kane ka sngi la wan ban ia shim bynta lang naduh ki rangbah ki longkmie kumjuh ruh ki samla kynthei bad shynrang bad ruh naduh ki tymmen haduh ki hep kiba rit kiba la ia shim bynta ha ka procession ha ryngkat bad u sla tlai ryngkat bad ka jingrwai.
Na ka bynta ki jaitbynriew Kuki-Zo, da ki hajar ngut ki briew ki dang sahkut ha ki jaka sah namar ka jingïakynad kaba dang bteng, Nalor ka jingmut jong ka Baibl, mynta ka pyni ia ka jingkwah ia ka jingsuk, ka jingangnud ban leit phai noh sha la iing, bad ka jingkyrmen ban sdang noh ka shongsuk shongsain.
Kane ka jingrakhe kadei ka jingsdang jong ka taiew bakhuid (Holy Week) haduh ba kut ka Easter.
Ha baroh kawei ka Kangpokpi, baroh ki iing mane kila pynlong ia ka jingiaseng ba kyrpang bad bud pat sa ka procession paidbah ia kaba la pynkylla ia ka shnong ban sawa tang da ki jingdwai ban wanrah ka jingiatylli.
 kila ia mih paidbah ban ia shim bynta ha ka procession, da ka jingkyrmen ia ka jingphai biang ka shongsuk shongsain bad ka jingialong kawei hadien ba la mih ka jingia kynad ha ki ar snem ba la leit.){kind=link}