spot_img

Manipur : Sdang pynrung kyrteng ka Sorkar ia ki Nongwei ba jam par

Date:

Share post:

Imphal, Naitung 30 : Ka Sorkar Manipur kala sdang ia ka jingpynrung kyrteng ia ki nongwei ba jan na shiliang par (khappud) kiba dang shah bat mynta ha Manipur.

Kane ka sienjam kala wan jia haba buh hakhmat ia ka jingishyrkhei ka jingrung kyrthep ki mynder sha India bad kaba long ruh hapoh ka jingbthah jong ka Sorkar Pdeng.

Ia kane ka kam la leh ha kaban pynthikna ba ki nongwei kin ym ioh long satia ki Nongshongshnong ka pura ka Ri India da kano kano ka lynti ka bym dei.

Ka jingrung kyrthep ki Nongwei nabar Ri kala buh ha ka jingma iaka jinglong shngain ka Ri bad ka dei ia kaban hap leh eiei da ka lynti kaba biang eh.

Ha ka kyrwoh bala pynmih da ka Tnad kam pohiing ka Manipur, la ong ba ka campaign ban sdang pynrung kyrteng ia baroh ki nongwei ba don ha Manipur kan sa dep noh hapoh ka taiew ba khatduh jong u bnai Nailur.

Kala ong ruh ba kane ka jingpynrung kyrteng kan long ha baroh ki District ka Jylla tad haduh ba baroh ki nongwei Myanmar kiba don ha Jylla kila don kyrteng lut. Ia kane ruh yn sa pyndep hapoh u Nailur 2023.

Ia ka video jong kane ka jingpynrung kyrteng la pathai paidbah ruh da u Myntri Rangbah ka Jylla N Biren Singh ha ka rynsan social media jong u.

Kane kala wan jia ruh ha ka por ba ka Manipur ka dang don hapdeng ka thma iapher jaidbynriew kaba la sdang naduh ka 3 tarik Jymmang, hapdeng ki jaidbynrew riewlum Kuki bad ki Meitei.

Shuwa kane, ka Sorkar Pdeng kala bthah ia ka Manipur bad ka Sorkar Mizoram ba kin pynlong ia ka jingpynrung kyrteng ia ki nongwei bad ban pyndep noh ia ka hapoh u bnai Nailur 2023.

Share post:

spot_img
spot_img

Popular

More like this
Related

Ban pynkhlain ia ka NPP ha Ri-lum Khasi | Thung u Bah Prestone ia 2 ngut ki MLA kum ki nongaibuit

Shillong, Jylliew 06 : U President ka National People’s...

‘Assam-Meghalaya area of difference’: Dhar review inclusion of Baikam village

Jowai, June 6: Meghalaya Deputy Chief Minister and Chairman...

BJP Mahila appraises NCW member on death of pregnant woman

Jowai, June 6: The tragic death of a pregnant...

Kem ki Pulit ia 2 ngut ki Nonglute na Nongrim Hills | Shah dung uwei u nongiaid lynti

Shillong, Jylliew 06 : Ki Pulit ka Laitumkhrah Police...