Imphal, Lber 20 : U Myntri Rangbah (CM) ka Manipur u N. Biren Singh u la buh ka jingkyrpad sha baroh kiba don bynta ha ki kam rep poppy bad ha kiwei pat ki kam khaii drok beain ba ki dei ban sangeh noh shisyndon.
U CM Singh u la ong ruh ba kin shim ia ka jingpynshitom kaba tyngeh lada lap ia kito ki briew kiba donkti ha ki kam drok.U Singh u la ban ruh ba na ka liang ka sorkar kan ym don jingmab ha kane ka thma pyrshah drok.
Na ka liang u CM Biren Singh u la ong ba arngut ki briew ki la shah kem noh ha kane ka sngi Saitjain ba la lah ha ryngkat 20.27 kilo ki shyieng poppy bad saw tylli ki thuk thuk Kenbo bikes (ba la shna ha Myanmar) lo bym don satia ia ki registration number nalor artylli ki suloi na ka shnong Old Boljang kaba hap hapoh Lhungtin sub-division. Ia kitei ki arngut kiba la shah kem la tip kyrteng kum u Ngamginsei Singson (20) bad u Lelen Khongsai (32 snem rta).
“Kine ki kam beain ki buh ka jingeh kaba khraw ia ka sorkar jong ngi.Ngi kyrpad jur ia ki nongshong shnong ba ki dei ban sangeh noh shisyndon ia kiba kum kine ki kam beain,” ong shuh shuh u CM Singh.
