spot_img

Manipur: Kurup ki bor pahara ia bun bah ki tiar ialeh thma ki kynhun Kaikhlaw ha ki jingkhynra

Date:

Share post:

Imphal, Sept 12: Ha ka jingiatreilang ban iakhun ia ki kam kaikhlaw, ki shipai India, ki pulit ka Manipur, ki CRPF, bad ki BSF ki la ioh ban kurup ia ki tiar siat kiba bun bha ha ka jingkhynra kaba 48 kynta pyrshah ia ki kynhun kaikhlaw ka Manipur.

Ha ka 11tarik Naiwieng, halor ki jingioh khubor ba thikna, ka kynhun ki shipai, ki pulit ka Manipur, bad ki CRPF ki la pynlong ïa ka jingkhynra ha ki thaiñ Maulsang jong ka Churachandpur District. Ha kane ka jingkhynra, ki la ioh kurup ia kawei ka suloi 7.62mm AK Series Assault Rifle ryngkat bad ka magazine, lai tylli ki suloi siat mortar (kiba la tip ha ka thain kum ka Pompi), bad kiwei kiwei tiar ialeh thma.

Ha ka sngi kaba bud, kata ha ka 12 tarik u September, ka kynhun ki bor pahara kila pynlong biang sa kawei ka jingkhynra ha ka jaka khlaw kaba don shaphang shathie lam mihngi jong ka Shejang ha Kangpokpi District. Kane ka jingkhynra, kaba la pynlong lang bad ki shipai BSF, ka la lam sha ka jingioh kurup ia kawei ka suloi M-16 ba la pynkylla dur, kawei ka rocket ba la shna hiuba jrong 7.5 phut, uwei u mortar shna hi, bad ki kuli nalor kiwei kiwei ki tiar siat.

Ia ki tiar ba la ioh kurup la aiti sha ki pulit ban tohkit bad shimti noh ka ain.

Kane ka jingkhynra ka dei ka sienjam kaba kongsan ban pynduhjait ïa ka jingma kaba mih na kine ki kynhun kaikhlaw, kaba pynskhem biang ïa ka jingkut jingmut jong ki bor pahara ban wanrah ia ka jingsuk ha ka thaiñ, ong ka tnat shipai India ha ka kyrwoh.

Share post:

spot_img
spot_img

Popular

More like this
Related

Kyntu ki Tour Operator ia ka AKMTTA ban sangeh ka khang ia ki kali tourist na Assam

Shillong, Nailur 17 : Ka Tour Operator Association of...

Kem ki Pulit ia u Khynnah 13 snem halor ka jingiap I Khynnah ha Nongrah

Shillong, Nailur 17 : Ki Pulit ka East Khasi...

Shimti u President ka UDP ia ka shuki Myntri ha ka Sorkar MDA-II

Shillong Nailur 17: U Nongialam jong ka seng United...

Pynbna ka MCA ia ka thup ki nongialehkai U-19 ban leit sha ki lympung BCCI 2025-2026

Shillong, Nailur 17: Ka Meghalaya Cricket Association ka la...