Imphal, Jymmang 17: Ka jingïakynad ka dang jur shuh shuh hapdeng ka jaitbynriew Naga bad ki Kuki ha Manipur hadien ba 6 ngut ki Naga ki la shah rahbor na ka shnong Leilon Vaiphei Kuki ha Kangpokpi districtki dang jah rngai naduh ka 13tarik Jymmang.
Katkum ki khubor, la kynnoh ba kumba 20 ngut ki Naga ki la shah rahbor ha ki kynhun Kuki kiba kiengatiar ha katei ka jingjia. Katba katto katne na ki la pyllait noh hadien, hynriew ngut ki briew ki dang sah khlem lapdien shuh, kaba la pynmih ïa ka jingbitar bad jingsngewkhia kaba jur hapdeng ki nongshong shnong bad ki seng bhalang.
Ka Koubru Range Liangmai Women’s Union ka la pynlong ia ka jingiakhih ha Kanglatongbi ha Kangpokpi district, da kaba dawa ban tuklar mardor da ka sorkar jylla bad ka sorkar pdeng.
“Ngi la pynlong ia ka jingiakhih naduh ka sngi ba la shah rahbor ia ki paidbah Naga na Konsakhul ha ka 13 tarik u Jymmang, 6 ngut na ki dang sah namar ba khlem pyllait, ngi la dawa ba kin pyllait suk, hynrei ym shym la ioh kano kano ka jubab na ka sorkar”, la ong uwei u nongiakhih.
Haba kyrpad ia ka sorkar pdeng ban tuklar kyrkieh halor kane ka bynta, u nongiakhih u la ong ba ki bahaiing jong kiba shah rahbor ki im ha ka jingtieng bad jingbym thikna.
“Ngim don jingtip la ki para ne ki hymmen Naga jong ngi ki dang ki dang im ne em.Ngi don ka jingiarap jong phi,” la ong u nongiakhih.
