Shillong, Nailar 18: Ka Hynniewtrep Border Disputed Redressal Forum (HBDRF)kala maham ïaki paralok Karbi khamtam kiba shong basah hapdeng ka Elaka Labang Nangphyllut Pangam Raliang bad West Jaiñtia Hills District ba kim dei ban thaw ïakino kino ki jingkulmar kiban wan rah ïaka jingïa sngewpher jaitbynriew bad ki jingïa umsnam hapdeng ki Karbi bad ki paid Khasi-Pnar.
Ha kajuh ka por, ka Forum ka jubap ruh daka ba tyngeh ïaki jingkren jong u Mirjeng Kro u nongïalam jong ka Karbi Students Association ( KSA ) halor ki mat jingkren jong u bad kam pdiang ruh da lei lei ia ka rukom pynbeit pud da ka ‘Give and Take Policy’ bad da ka jingkwah jong ki paidbah.
“Ka jingiakren pynbeit pud kan shong ha ka rai jong ki ar sorkar. Ka shong haki (Karbi) la ki pdiang ne kim pdiang , hynrei kim dei ban pynkulmar ïaki paitbah” ong u Chairman ka HBDRF .
Halor ka notification ba 13 tarik Iaiong, 1951, ka HBDRF kala ong “Ngim lah len ba ka don ka notification hynrei ki Karbi ki dei ban tip ia ka jingshisha hashuwa jong kane ka notification bad hadien jong kane ka notification”.
“Kum ki nongshong jong ka Block – 1 bad ka Forum ki ieng beit halor ka nongrim ba maki kidei ki trei ri trai muluk bad kane ka Notification kadei kaba shu leh thok bad shu leh donbor daka Sorkar Assam bad ngim pdiang satia ïaka” kala ong.
Halor ka jing ong u Mirjeng Kro ba lada ka khyndew jong ngi (Karbi) kan leit sha Meghalaya, ka jingkulmar kan mih kumba jia ha Manipur, ka Forum ka ong “Kane ka jaka (Block-I) ka dang dei ka jaka ba don hapdeng ka jingiakajia kumba la kubur hi da ka Sorkar Assam bad ngi n aka Forum ngin iakhun da ka lynti ka hok bad da ka lynti ka ain, ym da kaba iarah wait iarah suloi lane da kaba ia umsnam”.
Ka Forum ka kyntu ruh ïaki paid nongshong shnong jong ka Block -1 ba kim dei han sheptieng lane artatien halor kane ka jingkren jong u ne u nongïalam jong ka KSA , hynrei kidei ban long kiba shlur bad kiba iengskem hala ka jong ka nongrim.
“Lada ki Karbi ki sdang, ki paid Khasi Pnar ruh kum banse ban ïada ïalade bad kin ym shah jem shuh” kala ong.
Pule ruh: Maham ka HBDRF ia ki Karbi ban ym thaw jingkulmar ne wanrah jingsngew iapher jaidbynriew ha Block-I
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
kala maham ïaki paralok Karbi khamtam kiba shong basah hapdeng ka Elaka Labang Nangphyllut Pangam Raliang bad West Jaiñtia Hills District ba kim dei ban thaw ïakino kino ki jingkulmar kiban wan rah ïaka jingïa sngewpher jaitbynriew bad ki jingïa umsnam hapdeng ki Karbi bad ki paid Khasi-Pnar.){kind=link}