Shillong, Nailar 18: Ka Hyniewtrep National Youth Front (HNYF), Nartiang Circle bad ka Jaintia People Welfare Organisation (JPWO) hynne ka sngi Thohdieng kala bat bad phah leit phai noh ia ki 18 ngut ki nongbylla bar jylla jongka Dhar Company na ka shnong Moodop, West Jaintia Hills District, namar ba kim don satia ia ki kot ki sla, ka Work Permit bad ka Labour License.
Katkum ki jingtip kiba la iohlum na kitei ki ar tylli ki seng, la iathuh ba kitei ki nongbylla kila ioh iaka work permit ban trei tang hapoh jongka East Khasi Hills District bad kim shym la ioh jingbit satia ban leit trei pat sha kiwei pat ki jaka, hynrei la lap pynban ia ki na West Jaintia Hills khlem ka jingdon ia kino kino ki kot ki sla kiba biang.
Ka HNYF bad JPWO kala kynthoh jur iaka Dhar Company kaba la wanrah da ki nongtrei nabar ka jylla khamtam haba ki samla ka jylla ki mad ia ka jingeh ban iohkam iohjam ne ban trei ia kino kino ki kam ban kamai jakpoh.
Kine ki ar tylli ki seng kila pynshitom ruh ia kitei ki nongbylla da kaba phah ïeng phah shong namar ka jingbym don ia ki kot ki sla.
Kial kynnoh ruh ba kane ka jingleh jong ka Dhar Company kala wanrah iaka jingduhnong kaba khraw iaka District Council, namar ba kitei ki nongbylla kim shym la aplai iaka work permit kaba kidei ban ioh na ka bynta ban trei bylla.
Pule ruh: Ioh tohkit ki Pulit haduh 10 sngi sa ia ki 4 ngut ki dkhot ka NLCN
PEIT:
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
, Nartiang Circle bad ka Jaintia People Welfare Organisation (JPWO) hynne ka sngi Thohdieng kala bat bad phah leit phai noh ia ki 18 ngut ki nongbylla bar jylla jongka Dhar Company na ka shnong Moodop, West Jaintia Hills District, namar ba kim don satia ia ki kot ki sla, ka Work Permit bad ka Labour License.){kind=link}