spot_img

Lum u MLA ia ka SMB bad MLP ban pyndait Solar Street Light bad CCTV ha South Shillong

Date:

Share post:

Shillong Jylliew 12: U MLA ka South Shillong Constituency u Bah Sanbor Shullai ula lum ia ka jingialang bad ki heh ka tnad Traffic bad Shillong Municipal Board, ban pynduna iaka jingdheng kali bad ban buh ia ki Solar Street Light nalor ki CCTV ha ki kyntoit jong ki shnong bapher hapoh ka Constituency.

Ha katei ka jingialang kaba la long ha ka sngi Saitjain, la wan iashimbynta da u Superintendent of Police, Traffic u Dr. D. Aswaghosh, u Executive Engineer ka Shillong Municipal Board Bah FB Chyne, ki pulit jongka Laban Police Station bad Rilbong Beat House, ki nongialam shnong na ki Dorbar Shnong bapher bad kiwei kiwei.

U Bah Sanbor Shullai, ula kyntu ia ki heh jong ka tnad Traffic, ki nongtrei jong ka Shillong Municipal Board bad ia ki Dorbar Shnong ban iatreilang ha ka ban pynlait na ka jingdheng kali bad ban pyntiikna ban nym don ka jingpynieng kali pathar ha ki jaka bym dei khnang ba ki paidbah kin nym don jingeh ha ka leit ka wan

Ula pyntip ruh sha ki Nongialam Shnong ba kumba 265 tylli ki Solar Street Light yn sa buh bad pyndait ha kiba bun ki dong jong ka South Shillong Constituency bad ula kyntu iaki nongtrei jong ka SMB bad ki Dorbar Shnong ba kin peit bniah ia ki jaka ba kynjah khnang ban buh ia ki Solar Light ban lait na kino kino ki kam sniew.

Nalor kane ula bthah ruh ia ki nongtrei jong ka SMB ban pynsted ia ka jingpyntreikam ia ka Solar Street Light, Smart City Project bad ka jingbuh ia ki kor CCTV.

Share post:

spot_img
spot_img

Popular

More like this
Related

‘Assam-Meghalaya area of difference’: Dhar review inclusion of Baikam village

Jowai, June 6: Meghalaya Deputy Chief Minister and Chairman...

BJP Mahila appraises NCW member on death of pregnant woman

Jowai, June 6: The tragic death of a pregnant...

Kem ki Pulit ia 2 ngut ki Nonglute na Nongrim Hills | Shah dung uwei u nongiaid lynti

Shillong, Jylliew 06 : Ki Pulit ka Laitumkhrah Police...