Shillong, Lber 16: Ka Election Commission of India kala pynbna ba ka sngi thep vote jong ka elekshon Lok Sabha 2024 ha Meghalaya kan long ha ka 19 tarik Iaiong.
Ia kane la pynbna da u Rajiv Kumar, Chief Election Commissioner uba la pyntip ba ka elekshon ha Meghalaya kan hap ha ka phase-1 jong ka Election, ka ban don haduh 7 phase.
U pyntip ba haduh 102 tylli ki seat kin hap hapoh ka Phase-1 ba kynthup ia ka Shillong bad ka Tura Parliamentary Seat.
Ka Phase-2 kan long ha ka 26 tarik Iaiong ha kaba ka elekshon kan long ha ki 89 tylli ki parliamentary seat.
Ka Phase-3 kan long ha ka 7 tarik Jymmang ha kaba ka elekshon kan long ha ki 94 tylli ki seat. Ka Phase-4 kan long ha ka 13 tarik Jymmang na ka bynta ki 96 seat.
Ka Phase-5 kan long ha ka 20 tarik Jymmang na ka bynta ki 49 tylli ki seat, ka Phase-6 kan long ha ka 25 tarik Jymmang na ka bynta ki 57 tylli ki seat bad ka phase-7 kaba khatduh eh, kan long ha ka 1 tarik Jylliew n aka bynta ka 57 tylli ki seat.
Ka jingniew ia ki vote kan long ha ak 4 tarik Jylliew.
Ula pyntip ruh b aka Model Code of Conduct (MCC) kala treikam mynta hapoh ka Ri baroh kawei.
