Shillong Naiwieng 06: Ki Tnad treikam jong ka Khasi Students’ Union (KSU) kiba don ha Sor Shillong bad khap Sor hynne ka sngi Palei kila phah khang noh bad pynsangeh treikam ia kiba bun ki Ophis Treikam namar ka jingbym burom ia ka shuti lehniam lehrukom kaba shisien shi snem jong ka Hima Khyrim kaba la ju tip paidbah kum ka Shad Nongkrem.
U Samla Pynshai Rani u Information & Publicity Secretary ka KSU ula pyntip ba kane ka jingpynsangeh treikam kynsan ka kynthup ia ki Bank, ki Post Office, ki Ophis jong ki Company naduh ka thaiñ Upper Shillong, Lumdiengjri, Motphran Khyndai Lad, Keating Road, Laitumkhrah, Nongthymmai,Nongmensong bad kiwei kiwei jaka.
Ula ong ba ka jingphah jong ka seng ia ki dkhot ban leit khang ia kiba bun ki ophis treikam ka long hadien ba kim shym la burom wat haba la dep pynbna shuti da ka sorkar ruh.
“Kane kadei ka jingibein̈ ia ka jinglong kyrpang jong ka jaitbynriew” la ong ka KSU.
Ka KSU namar kata ka maham tyngeh ia baroh ki ophis treikam ba nangne shakhmat haba don ki sngi kyrpang jong ka jaitbynriew kum ka Lyngkhuh sngi iap u Tirot Sing, Kiang Nangbah, SoSo Tham, Shad Suk Mynsiem, Seng Kut Snem, Behdein̈khlam kidei ban da buh jingkynmaw bad kim dei ban ap haduh ba ki dkhot ka seng kin wan phah khang, hynrei kidei ban sngewthuh kaei ka bynta kaba kidei ban leh ban niew burom ia ki sngi kyrpang ka Jaitbynriew.
“Lada ki Tnad treikam jong ka Sorkar Pdeng lane ki Company kim tip ne niew burom ia ka Sngi kyrpang ka jaitbynriew jongngi kam don jingmut ruh ban buh ia ki Ophis ha kane ka jaka jong ngi” la pynkut ka KSU.
 kiba don ha Sor Shillong bad khap Sor hynne ka sngi Palei kila phah khang noh bad pynsangeh treikam ia kiba bun ki Ophis Treikam namar ka jingbym burom ia ka shuti lehniam lehrukom kaba shisien shi snem jong ka Hima Khyrim kaba la ju tip paidbah kum ka Shad Nongkrem.){kind=link}