Leit iakhih ki MLA ka AITC hakhmat ka Iingdorbar Parliament ka Ri

Date:

Share post:

Dawa pyndam ia ka MoU pynbeit pud bad ban pynrung ia ka ktien Khasi bad Garo

Shillong, Naitung 26 : Phra ngut ki MLA ka All India Trinamool Congress (AITC) ka Jylla, hynne ka sngi ba-ar, kila leit ban pynlong ia ka jingiakhih hakhmat ka Iingdorbar Parliament jong ka Ri ha New Delhi haba dawa ia ka Sorkar Pdeng ban pyndam noh ia ka Memorandum of Understanding (MoU) pynbeit pud bala iasoi hapdeng ka Meghalaya bad Assam bad ruh ban pynrung noh mardor ia ka Ktien Khasi bad Garo ha ka khyrnit ba phra jong ka Riti Synshar ka Ri.

Ki MP jong ka Lok Sabha bad Rajya Sabha jong ka AITC ruh kila iadonlang ha kane ka jingiaid paidbah ha Vijay Chawk.

Kine ki Dkhot ka AITC kila rah ia ki placard ba don ia ki jingthoh “No people’s agreement = no border agreement”, “The proxy BJP government gave away Meghalaya’s land” “value Meghalaya’s tribal land, value Meghalaya’s identity”.

“Ngi kwah ban khring ia ka jingmut jingpyrkhat jong ka Sorkar India ban shimkhia ia ka jingsngew jong ki paidbah ka Jylla bad pyndam noh ia ka soskular pynbeit pud ka Assam-Meghalaya” ong u Dr Mukul Sangma, Nongialam ka AITC.

Ka Assam bad ka Meghalaya kila iasoi ia ka MoU ha ka 29 tarik Lber, ban pynbeit noh ia ki jingiakhih ha ki hynriew tylli ki jaka ba iakynad bad ia kane ka soskular la iasoi ha ka jingiadon ryngkat u Myntri kam pohiing ka Ri u Amit Shah.

Haba kren halor ka jingpynrung ia ka Ktien Khasi bad Garo, u Dr Mukul ula ong, ki paidbah ka Jylla Meghalaya kila dawa la slem ban pynrung noh ia ka ktien Khasi bad Garo ha ka khyrnit kaba phra jong ka Riti Synshar ka Ri India.

U ong ba ki Nongialam ka Jylla kila dawa la bun bun snem ia kane ka jingdawa khnang ban lah pynneh pynsah bad pynriewspah ia ka ktien ka thylliej jong ki trai muluk ka Jylla.

Share post:

spot_img

Popular

More like this
Related

Ujor ejahar u MLA barim ka Mawlai ba pynsaphriang khubor lamler ha Social Media

Shillong, Iaiong 16 : U MLA barim ka Mawlai...

Kurup ki BSF ia u kwai supari ba shongdor T. 14 lak

Shillong Iaiong 16: Ki shipai BSF bad ki pulit...

Shillong Premier League | Pynsangeh ka SSA ia ka jingiakhun ba thut ka suinbneng

Shillong, Iaiong 16: Da kaba buh hakhmat ia ka...