Ki dak ki la kdew lypa ba ka NPP kan ialam biang ia ka sorkar ha u 2023

Date:

Share post:

Shillong, Naitung 26 : U National President jong ka National People’s Party ba dei ruh u Myntri Rangbah ka jylla, Conrad K Sangma u la kob ba ka NPP kan bteng biang ia ka bor synshar hadien ka elekshon MLA kaban long ha u 2023.

Ia kane u la kdew pynpaw ha ka jingialang pdiang burom ia u MLA barim ka Congress, Bah Kennedy Khyriem sha ka NPP haka jingialang kaba long hynne ka sngi ha Mawphlang.


“Ki dak ki shin ki la kdew lypa ha Meghalaya ba ka NPP kan ialam biang ia ka sorkar hadien u 2023 ruh. Ka ta hi ka la shai lypa,” ong u Conrad.

Da kaba kyntu ia ki nongtrei party ba kim dei satia ban khein sting noh, u Conrad ula aimynsiem ia ki ba kin trei shitom shuh shuh khnang ba kin jop kham bun shuh shuh.

U Conrad u la ong ruh ba ia mynta hi um kwah ban kren ei ei pyrshah ia ki Liang Pyrshah namar um tip shuh kiei ki party kiba ka NPP kan hap ban iakhun pyrshah. U ong ruh ba hajan baroh ki constituency ka NPP ka hap ban iakhun pyrshah ia ki party bapher bapher ha u 2023.

Katkum ka jingong jong u, ka jingkyrmen ba ka party ka ioh bad don ka thong ba kan wan biang ha ka bor kadei namar ki paidbah mynta ki la iohi ba bun ki kam ba kiwei ki party bad ki sorkar ba la dep kim nud bad kim lah satia ban shim, kane ka sorkar hapoh ka jingialam jong ka NPP ka la mait shakhmat.

“Ha ki saw snem, ngi la mad bun ki jingeh bad bun ki paidbah ki la ong ba ngim lah shuh hynrei ngi lah namar ka mynsiem trei kadei kaba khuid bad kaba buh hakhmat eh ia ki paidbah ka jylla,” u la ong.

U la kdew ruh ba kumno kum ka kynhun ki la lah ban pyndep ia ka jingpynbeit pud ha ka kylla kaba nyngkong, kaba kiwei ki party bad kiwei ki sorkar ba la dep ki khlem nud satia ban ktah ha ki 50 snem ba la dep.

U Myntri Rangbah u ong ruh ba ka jingseisoh ka kam kadei namar ki treilang kum ka kynhun bad da kawei ka bor kawei ka buit ban ai ka jingshakri kaba paka tam ia u paidbah.

U Conrad u la kyntu ruh ia ki nongshong shnong ka Mawphlang cosntituency ba kin trei shitom shuh shuh khnang ba u MLA jong ki un jop donburom ha katei ka elekshon.

Share post:

spot_img

Popular

More like this
Related

BJP Mahila Morcha Leader seeks judicial intervention in South West Garo Hills rape incident

Shillong, April 22: In a letter to the Honourable Chief...

Election Commission of India orders repoll in 8 polling stations in Arunachal Pradesh

Itanagar, April 22: The Election Commission of India has...

Fresh polling underway in 11 polling stations in Manipur amidst heavy security

Imphal, April 22: Amid tight security on Monday, fresh...

Arunachal : Hukum ka ECI ban pynthep vote biang ha 8 tylli ki Polling Station

Itanagar, Iaiong 22 : Ka Election Commission of India...