Tura, Nailar 30: U MDC ka BJP na Tura Bernard N Marak khatduh ula poi sha ka judicial custody bad la pynkynriah sha Tura jail hadien jan shibnai ba u don ha ka Police Custody.
La pynkynriah ia u Bernard sha Tura Jail ha ka miet sngi Nyngkong hadien ba kut noh ka police custody hynnin ka sngi kaba long pyrshah ia u namar ka jingioh kurup tiar pynbthei na ka farm house jong u.
U Bernard u la don lypa ha ka Judicial Custody jong ka case pyniaid kam khaii met ba kynthup ia ka jingleh beijot ia kawei ka khynnah da uwei u briew ha Rimpu Bagan jong une u MDC.
Hynrei la phah biang ia u sha ka Police Custody da ka Iingkashai Tura halor ka jingioh kurup tiar pynbthei kynthup ki gelatin sticks bad ki khnam ki ryntieh na ka farmhouse jong u.
U Bernard ula dei ban pyndep ia ka police custody ha ka taiew bala lah, hynrei namar ka jingiabit ia ka jingpang Covid katba u dang don ha ka Police Custody ha Tura Police Sation lah hap ban pynkynriah ia u sha Hospital bad buh ha ka Judicial Custody.
Hadien ba ula koit, la rah biang ia u sha thanad ban pyndep ia ka police custody ba saw sngi kaba sah.
